11
Carta finis et promissionis
1150 giugno, Milano.
Monaco del fu Martino Bollii, di Milano, e sua madre Oltanome, di legge longobarda, cedono a Miriana, badessa del monastero di S. Maria e Margherita detto di Gisone, costruito a Milano in località Carrobio, un appezzamento di terreno detto Ortus di proprietà del monastero, ma di loro pertinenza more libellario, sito presso il medesimo monastero, per dodici lire e mezzo di denari buoni milanesi d'argento, a patto che si rispettino determinate condizioni circa il muro divisorio tra la proprietà del monastero e detto orto, la costruzione di una casa presso detto muro, nonché lo sfruttamento delle acque piovane provenienti dalla gronda di detta casa e l'impianto di alberi nei pressi delle finestre.
Originale, ASMi, AD, pergg., cart. 475 [A]. Copia della fine del sec. XVIII in BAMi, G.C. Della Croce, Codex dipl. Mediol., I 8, c. 5 [B].
Sul verso, forse della stessa mano: Carta finis de orto uno reiacente in Mediolano domne [Miri]ane abbatisse monasterii Sancte Margarite. Di mano del sec. XIV: Venditio facta per monasterium de quondam parte orti prope eundem monasterium; annotazioni tarde.
Edizione: H.P.M., XVI, t. II, col. 917, con omissis.
(SM) Anno dominice incarnacionis milleximo centeximo quinquageximo, mense iunii, indictione terciadecima.
Finem et refutationem seu perdonationem fecerunt Monachus, filius quondam Martini Bollii, de civitate Mediolanensi et Oltanomen mater eius, uxor quondam | suprascripti Martini, qui professi sunt lege vivere Longobardorum, eidem Oltanomini consentiente ipso Monacho mundoaldo suo, in domna Miriana religiosa abbatissa monasterii Sancte Marie et Margarite quod dicitur Gisonis, constructi in suprascripta ci|vitate, ad locum ubi dicitur Carubio, nominative de petia una orti iuris suprascripti monasterii et eis pertinebat libellario more ad fictum persolvendum omni anno suprascripto monasterio argenti denariorum bonorum Mediolanensium denarios decem, quos amplius suprascripto monasterio solvere non debet, | et ipsa pecia terre que nominatur Ortus iacet in suprascripta civitate, prope ipsum monasterium. Est ei a mane Iohannis Moltoni et Guidi Cacaniose et Petri Grite, a meridie detinent filii (a) quondam Obizonis de Vicomercato terram suprascripti monasterii, a monte sibi reservant, a sero suprascripti mona|sterii, tota (b) in integrum, eo tenore sicut subter legitur, ita ut amodo in antea aliquo tempore non liceat suprascriptis Monacho et Ioltanomini nec eorum heredibus nec eorum summissis personis agere nec causari nec alio modo intentionem movere contra suprascriptam domnam | Mirianam abbatissam nec contra eius succetrices nec suprascriptum monasterium nec contra cui dederint; et insuper ipse Monachus et Ioltanomen una cum eorum heredibus eidem domne Miriane abbatisse ad partem suprascripti monasterii et suis succetricibus seu | cui dederint suprascriptam petiam terre que dicitur Ortus ut supra legitur in integrum promiserunt defendere et guarentare, iure et ratione, ab omni homine, et nominative a Mazocco Bolio et a suis filiis et a Petro Bollo et a filiis (c) feminis suprascripti quondam Guifredi Bolii omni tempore, ut ven|ditores emptori debent facere. Alioquin si ipsi Monachus et Ioltanomen vel eorum heredes aut eorum summisse persone egerint aut causaverint in parte vel in toto de suprascripta terra que dicitur Ortus et omni tempore defendere et guarentare non habent ab omni | homine et nominatim a suprascriptis personis, tunc componere (d) debent nomine pene argenti denariorum bonorum Mediolanensium libras viginti et quinque eidem domne Miriane abbatisse vel suis succetricibus; item ipsi Monacus et Ioltanomen debent retinere murum qui est ex parte monte in eum statum idem | et illam altitudinem ubi nunc est, et fanestre (e) in predicto muro facte ut nunc sunt ita maneant, nec maiores facere vel alibi nec mutare possint, et si supra ipsum murum in altum domum fecerint, id est solarium, facere debent ipsi et eorum heredes alias duas fanestras | que debent esse in latitudine pro unaquaque de sommisso uno congrue et in altitudine pro unaquaque de tummo uno congrue et non plus. Et ipsi in se retinuerunt grondam, id est stillicidium, si domum fecerint supra predictum murum quod cadere debet in predicto orto. | Item ipsa domna Miriana et eius succetrices recipere debent aquam suprascriptorum Monachi et Ioltanominis per unum cuniculum qui (f) est in predicto muro factum, nec maiorem facere debent, sed ita maneat ut nunc est in ipso orto; item ipsa abbatissa non debet per medias | fanestras ad brachium unum prope ipsis fanestris arbores plantare (g) vel aliud plantimen facere, que noceant luminibus suprascriptarum fanestrarum. Et pro suprascripta fine et promissione acceperunt ipsi Monachus et Ioltanomen ab ipsa domna Miriana abbatissa argenti denariorum | bonorum Mediolanensium libras duodecim (h) et dimidiam. Quia sic inter eos convenit. Item ipsi mater et filius dederunt guadiam suprascripte domne Miriane ad partem suprascripti monasterii de defensione suprascripti orti, ut supra legitur, in integrum omni tempore facienda ab omni homine, et dederunt guadiam quod fa|tient suprascriptos Mazoccum et suos filios et Petrum atque filias quondam Guifredi qui omnes dicuntur Bollii suprascripte venditioni esse contentos sine ullo alio pretio dato vel requisito. Et de bis omnibus adimplendis posuerunt fideiussorem Anselmum Caniolum de suprascripta civitate, | qui usque in penam dupli obligavit se.
Actum in suprascripta civitate.
Signa + + manuum suprascriptorum Monachi et Ioltanominis qui hanc cartam finis et promissionis ut supra fieri rogaverunt et ad confirmandum manus posuerunt.
Signum + manus suprascripti Anselmi qui fideiussor ut supra extitit et manum posuit.
Signa ++++++++++ manuum Guilielmi Grassi, Arderici Squitigii, Martini et Petri qui dicuntur Bollii, Azonis Scudarii, Iohannis de Albigniano, Guerenzonis Borcii, Guazonis et Mainfredi qui dicuntur Cumini (i), Iohannis de Locia, testium.
(SM) Ego Petrus iudex ac regis missus scripsi et tradidi.
(a) i finale soprascritta corretta su orum espunto.
(b) Precede la a finale una u espunta.
(c) Tra le due i finali una a espunta.
(d) In A il segno abbreviativo manca.
(e) Corretto su fenestre.
(f) Corretto su qd, mediante espunzione di d
(g) plantare nell'interlineo.
(h) Segue la i finale, che reca il trattino abbreviativo, una a pure con segno abbreviativo, espunta.
(i) Corretto su Culmini, mediante allungamento della prima asta della seconda u ed espunzione dell'altra asta.
Edizione a cura di
Luisa Zagni
Codifica a cura di
Patrizia Merati