Registro n. 11 precedente | 1050 di 1770 | successivo

1050. Francesco Sforza a Cedreone da Roma 1453 marzo 13 Milano

Francesco Sforza vuole che Cedreone da Roma, vicario del podestà di Milano, visto quanto si dice nella supplica di Pietro da Gerenzano e sentite le parti, amministri giustizia sommaria, dichiarando che i capitoli e testimoni e quant'altro è accennato nella supplica hanno la stessa validità, purché fatti legittimamente.

Domino Cedreoni de Roma, vicario domini potestatis Mediolani.
Supplicationem, quam habuimus parte Petri de Gerenzano, vobis mittimus his introsertam, et attentis in ea recitatis, et modica rei quantitate, et quod res est mercantilis, comittimus vobis et volumus quatenus, habitis partibus ipsis, et per eum Petrum de presenti coram vobis, et in iudicio legittime facta requisicione, de qua in ea supplicatione fit mentio, in causa ipsa procedatis et ius summarium et expeditissimum ministretis, declarantes expresse quod capitulla et testes et alia, de quibus in ea supplicatione fit mentio, in causa ipsius peticionis de presenti taliter fiende, ut premititur, illam causam et eandem vim et roboris firmitatem habeant, teneant et obtineant, ita et taliter, et
quemadmodum et ac si ipsa capitulla, testes et alia actita, ut supra facta et producta fuissent, forent et essent per ipsum Petrum in dicta causa ipsius requisitionis et, prout si ipsa requisicio prius facta fuisse, dummodo alias legitime ipsa acta et capitula et testes et alia facta, ut supra facta sint legittime. Data Mediolani, xiii martii 1453. Processerunt ex rellatione habita a pretacto domino Cedrione, et cetera.


(a) Segue quam depennato.