Registro n. 11 precedente | 882 di 1770 | successivo

882. Paolo da Carpi a Francesco Sforza 1453 febbraio 23 Como

Paolo da Carpi dà a Francesco Sforza le informazioni richieste su Antonio da San Benedetto per la grave lesione da lui fatta per faciloneria e superficialità al testamento paterno dando gran quantità di danari al cognato Bertolino che l'ha ingannato. Paolo da Carpi propone che gli si faccia restituire quanto con ratifica del testamento e con le obbligazioni assunte gli è stato sottratto.

Illustrissime et excellens dux et domine, iuxta litterarum illustris dominationis vestre tenorem, ad supplicationem Antonii de Sancto Benedicto concessarum, et informationem suscepi de contentis in ea supplicatione si de eius supplicantis simplicitate et facilitate ac enormi lesione [ 187v] in ratificando testamentum patris et in dando quantitatem illam denariorum ex pretio perlarum suarum perventarum illi Bertolinus, cugnato suo, cui etiam de quantitate alia denariorum idem supplicans per instrumentum se obligavit et, pro veritate, tam ex testium informacione, quam etiam ex loquella eiusdem Antonii conperiri (a) quod idem supplicans est simplex, facillis ad permitendum se decepi et ignarus, non stans in proposito et tallis qui indigeret curatore, quiaque propter eius simplicitatem et facilitatem est enormiter lesus, si ratificatio illa testamenti patris, de qua in supplicatione fit mentio, haberet effectum, quia excluditur a iuribus dotalibus tam matris quam uxoribus satis notabilis quantitatis et etiam, ut creditur, a supplimento legitime sibi supplicanti in bonis paternis debite et, ut dictus Bertolinus ipsius supplicantis cognatus michi confessus est. Verum est quod idem Antonius simplicitate et a dicto Bartolino seductus, pretium ipsarum perlarum dimissit ipsi Bertolino protestarusque fuit illud recepisse, eidem Bartolino se obligavit de ducatis quinquaginta, licet nichil ab eo recepisset. Iudiciumque meum, quod superinde prelibata dominatio vestra in prefatis litteris me rescribere mandavit est quod, quia lesio, de qua super contingat, ipsius Antonii facilitate et simplicitate, ipse Antonius esset restituendus in integrum adversus dictam ratificationem et ipsum instrumentum obligationis et protestationis, de quibus in ipsa supplicatione fit mentio; cogendusque esset dictus Bertolinus ad restituendum eidem Antonio totam illam quantitatem denariorum ex pretio (b) illarum perlarum perventarum, quodque etiam, ne ulterius contingat lesio eidem Antonio supplicanti et eius bonis dandus esset curator sine cuius auctoritate [non] possit de bonis suis, maxime immobilibus, disponere. Deus prelibatam dominationem vestram in longum et feliciter conservare dignetur. Ex Cumis, xxiii februarii 1453. Paullus de Carpe legum doctor civitatis, vestre Cumarum potestas, prelibateque devotus servitor. Attento illustri et excellenti domino domino Francisco Sfortia, Mediolani, et cetera duci, Papieque comiti ac Cremone domino.


(a) Così A.
(b) ex pretio ripetuto.