Registro n. 2 precedente | 1006 di 1791 | successivo

1006. Francesco Sforza al Regolatore e ai Maestri delle entrate 1450 novembre 28 Milano

Francesco Sforza ordina al Regolatore e ai Maestri delle entrate di pagare i macellai per le varie forniture di carne. Del totale di ducati 178.8 e di lire 157.12, dispone che ducati 158.8 vengano pagati Ğex pecuniis Camere nostreğ, previa restituzione di una confettiera e piattino d'argento.

[ 271v] Regulatori et Magitris intractarum.
Habere restant a Camera nostra Petrus dela Marascha et Iohannes Laurencius becharii curie nostre libras centumquinquagintaseptem et solidos duodecim imperialium super ratione carnium per eos pro usu ipsius curie a die xiiii proxime presentis mensis decembris retro datarum, intendentes igitur quod eis de huiusmodi peccunia nec minus de infrascriptis aliis creditis suis satisfiat, pro ut coveniens est, volumus et mandamus quatenus eisdem bechariis de ipsis libris centumquinquagintaseptem et solidis duodecim responderi faciatis et de ipsis debitorem fieri Antonium, cancelarium prefacte curie, expenditorem. Cumque ulterius creditores sint prefacte Camere iidem bechariis causa carnium per eos pro fulcimento et usu pre facte curie similiter datarum de ducatis septuaginta tribus et solidis octo a solidis lxiii pro ducato, super racione ducatorum ccliii quos de anno usque mccccxlviii proxime pro nobis solvere sibi habebat Matheus de Pisanis et receperunt solummodo ducatos clxxx, item sint creditores ut supra de ducatis vigintiquinque ex ducatis quinquaginta per Lanzilottum di Pigino debendis, item creditores sint de ducatis octuaginta aureos de quibus usque de mense octobris dicti anni mccccxlii memoratus Matheus sibi responderi habeat in hac civitate, prout ei scripseramus, sed propter repetititium ipsius Mathei ab ea civitate recessum illos persolvere sibi non potuit, quorum quidem omnium creditorum summa ascendat ducatos clxxviii et solidos viii ultra libras clvii et solidos xii primum positas, faciatis eisdem bechariis de ipsis ducatis clviii et solidos viii ex pecuniis Camere nostre responderi, fieri faciendo de premissis onmibus scripturas, confessiones et soluptiones opportunas et huiusmodi denarios pro expensa consumata et absque reptencione capsoldi positi, verum quia ipsi becharii hac de causa penes se habent confecteram unam ac piatellum unum argenti curie nostre, mementote et omnino facite quod antefaciendam sibi soluptionem denariorum antedictorum nobis restituant confecteram et piatellum predictos absque ulla exceptione. Data Mediolani, xxviii novembris 1450.
Antonius.
Matheus.
Cichus.