Registro n. 2 precedente | 512 di 1791 | successivo

512. Francesco Sforza al priore di San Bernardo 1450 settembre 25 Milano

Francesco Sforza comunica al priore di San Bernardo quanto ha deciso per Bartolomeo de Scazosiis.

[ 169r] Priori Sancti Bernardi.
Reverende in Christo pater amice noster carissime, ob immensam Bertholomey de Scazosiis erga nos et statum nostrum fidem et devocionem, qui nec, ut rem gratam et nobis statuique nostro utilem faceret, laboribus et vite periculis pepercit, singulari affectione cum prosequamur ac ei complacere obnoxium arbitramur et pro aliquali recompensacione, licenciam questus et redditus in dominio nostro hospitalis vestri nomine percipiendi eidem et successoribus suis concessimus, sed ne nos vobis et conventui vestro adversari videamur, quem pro posse tueri et augeri intendimus, et dicto Bertholomeo concessa revocare nedum nefax, verum aliquid nobis adversi occurere cerciores reddimur mediam viam una vestra tuendi et sibi complacendi periculis habemus scilicet paternitatem vestram scilicet paternitatem vestram cum consensu capituli ad anno viginti pro pensione ad ratam pro rata eius, quod hactenus percipi consuevit, dictum Bertholomeum investire, nec dubitantes quin paternitas vestra ob suam in nos benivolenciam et caritatem ad ea se inclinet, que nobis grata sint, prout et nos complacremus, eandem hortamur, requirimus et maiorem in modum rogamus ut predictum Bertholomeum de questis illiusmodi ad tempus predictum investire velit modo predicto, quod quidem gratum et acceptum nobis erit. Et si ipsa vestra paternitas circa factum prestandi sibi ficti liberam se magis intuitu nostro rediderit a qua liberalitate retrahere se etiam merito non debebit, propter occursas maxime his in temporibus in hac provincia malas et pravas bellorum condiciones, id sequidem gracius et accepcius habebimus nec paternitas vestra poterit damna consequi cum a vobis recognoscat et iusta solitum reditus exsolvet. Ad quelibet ipsius paternitatis vestre parati. Mediolani, xxv septembris 1450.