Registro n. 2 precedente | 558 di 1791 | successivo

558. Niccolò V a Francesco Sforza 1450 settembre 15 Fabriano

Niccolò V comunica a Francesco Sforza che la commenda dell'abbazia di Morimondo è stata accordata ad Astorgio Agnesi.

Dilecte filio nostro Francisco Sforcie Vicecomiti, duci Mediolani.
Dilecte fili, salutem et apostolicam benedicionem. Requisivit nos proximis diebus litteris ac nunciis magna cum instancia excellentia tua ut monasterium Morimundi ordinis cistercensium venerabili fratri nostro episcopo Mutinensi (1) commendare, dilecta vero in Christo filia nobilis mulier Blancha Maria ducisa consors tua per litteras suas etiam instanciam fecit ut prefatum monasterium venerabili fratri nostro archiepiscopo Mediolanensi (2) in commendam dimittere dignaremur. Nos considerantes prefatum episcopum pacifica ecclesie sue possessione gaudere, aliudque beneficium in commendam obtinere, et a dicto monasterio valde distare, ipsum archiepiscopum Mediolanensem tante ecclesie fuisse prefectum, non potuimus, etiam certis aliis legittimis rationibus moti, precibus huiusmodi condescendere, sed volentes circa regimen dicti monasterii oportune [ 178r] providere, illud dilecto filio nostro cardinali Beneventano (3), qui excellentie tue ac prefate ducise plurimum afficitur, commendamus, sperantes monasterium ipsum per ipsius cardinalis circumspectam providenciam in spiritualibus et temporalibus felicia nocumenta suscepturum, et prefatum cardinalem onera sibi dietim incumbentia pro status sui condecentia facilius supportare debere. Quare hortamur excellentiam tuam ut hanc deliberacionem nostram equo ferat animo, ipsique cardinali pro virtute sua omnia bona merenti faveat et assistat ut prefati monasterii pacificam possessionem consequi ipsiusque bona recuperare et illud feliciter gubernare possit, quemadmodum nostri suique desiderii est. Et nobis in hoc singularissime complacebit excellentia tua et honori suo consulet. Data Fabriani sub anulo piscatoris die xv septembris MCCCCL, pontificatus nostri anno quarto.
Petrus de Noxeto.


(1) Si tratta del vescovo Giacomo Antonio della Torre (cfr. GAMS, Series episcoporum, p. 758).
(2) Si tratta dell'arcivescovo Giovanni Visconti (cfr. GAMS, Series episcoporum, p. 796).
(3) Si tratta del cardinale Astorgio Agnesi (cfr. GAMS, Series episcoporum, p. 672).