54
Carta immissionis in possessionem
1331 marzo 6, Piadena.
Lappo di San Geminiano, vicario del castrum di Piadena, a nome del re Giovanni di Boemia, immette Franceschino Petacio di Parma, procuratore di Ugolino, vescovo di Cremona, in possesso del castrum di Piadena e di tutte le pertinenze, ad eccezione della rocca e della torre che rimangono sotto la custodia del sovrano.
Originale, BSCr, LC, Codice Sicardo, p. 54, n. 54 [A]. Copia sec. XIX, Cereda, sc. 9 (trascrizione di mano di Odoardo Ferragni)
Nel margine esterno, di mano del sec. XVII: GGG.
Edizione: Boehmer, Acta Imperii, p. 722.
Regesto: Astegiano, II, p. 53, n. 269.
(SN) Anno dominice incarnacionis millessimo trecentessimo trigessimo, indictione quarta decima, die sexto mensis marcii, in castro Platine districtus Cremonen|sium ep(iscop)i Cremonensis.
Presentibus presbitero Stephano de Cuchinis, rectore ecclesie dicti castri, et nobilibus viris dominis Iacobino de Amatis, Ste|phano de Ponzonibus, Iohanne et Gaydoldo de Guazonibus, Iohannino de Trezo, Andriollo de Drizona, Andriollo de Codelupis, civibus Cremon(ensibus), Bernardo | de Petrezanis, Armizollo de Armicis, Lafrancho dicto Matho et Cabrino de Teziis, habitatoribus dicti castri, atque aliis pluribus civibus Cremon(ensibus) et | habitatoribus dicti castri, testibus ibi rogatis, nobillis vir dominus Lappus de Sancto Ieminiano, vicarius dicti castri pro infrascripto domino nostro rege, | iuxta tenorem quarundam licterarum (1) quas ipsi domino vicario presentavit (a), ex parte nobillis et potentis militis domini Baldi de Ballastris, vicarii | civitatis et districtus Cremon(e) pro serenissimo principe domino Iohanne Boemie et Polonie rege, Luciburgensis comite ac civitatis et districtus | Cremon(e) domino generali, discretus vir Franzeschinus Petacius de Parma, procurator venerabilis patris et domini domini fratris Hugolini Dei et apostolice se|dis gratia episcopi Cremonensis, de cuius procur(a) in carta facta a Bartholomeo de Foxio notario continetur (2), possuit et inducxit prefatum dominum Franzeschinum | presentem et recipientem procuratorio nomine et vice dicti domini episcopi Cremonensis in tenutam et corporallem possesionem dicti castri Platine et omnium | iurium et pertinenciarum eiusdem, preter quam de turri et rocha dicti castri que pro dicto domino nostro rege custodiri debet et custoditur pro conservatione | status pacifici dicti castri, per catenas pontis dicti castri et per claves et clavaturas porte et pontis dicti castri et cetera quoque et | singula faciendo et operando que ad inductionem vere tenute et corporallis possesionis pertinere iure legitimo dignoscuntur.
Post que continuo prefatus dominus Franceschinus suprascripto modo et nomine ibidem ipsis testibus suprascriptis consignavit et dedit in manibus dicti domini | Lappi vicarii recipientis claves predictas pro conservando possessionem dicti castri dicto domino episcopo et dictum castrum et eius possessionem custodiendos | comissit eidem recipienti usque ad prefati domini episcopi libitum voluntatis.
(SN) Ego Davidinus de Restaliis, civis Cremon(ensis), publicus imperiali auctoritate notarius ac scriba et notarius prefati domini episcopi, interfui omnibus et singullis suprascriptis et hanc cartam seu cartas rogatus scripsi meoque solito signo et nomine roborando signavi.
(a) p- corretta da altra lettera, come pare.
(1) Documento non reperito.
(2) Documento non reperito.
Edizione a cura di
Valeria Leoni
Codifica a cura di
Valeria Leoni