26
Libellum
1120 novembre, Lodivecchio.
I fratelli Nantelmo e Ugo del fu Teizone danno a titolo di livello perpetuo a Guifredo del fu Guifredo e Bergondio del fu Loterio tutto ciò che possiedono nel castrum di Monte, tutti i beni che essi tengono a titolo di beneficio da parte degli eredi di Uberto detto de Popiago nello stesso luogo di Monte e in Buxiliagum e nei rispettivi territori, e ciò che essi possiedono del bosco di Albaretum e in Semeraga, insieme a tutti i diritti pertinenti, con l'obbligo da parte di Guifredo e Bergondio di pagare il fitto annuo di un denaro e una candela, fitto di cui immediatamente i fratelli Nantelmo e Ugo investono i suddetti Guifredo e Bergondio, ricevendone dieci lire e quindici soldi di denari milanesi d'argento.
Copia autentica, ASMi, AD, pergg., cart. 554, n. 31 [B]. Copia del principio del sec. XIX, BNBMi, Mss. Bonomi, AE XV, 20, pp. 123-126, n. 39 [C]. Regesto, ASMi, Catalogo delle pergamene, vol. III, fasc. 53.
Il doc. è così autenticato: (SM) Ego Albertus de Gavazo iudex Laudensis et missus domni Cunradi regis auctenticum huius exempli vidi et legi et sic in eo continebatur sicut in hoc legitur exemplo, preter litteras plus minus|ve, et subscripsi. | (SM) Ego Otto iudex ac missus domni Frederici imperatoris et notarius sacri palatii auctenticum huius exempli vidi et legi et sic in eo continebatur sicut in hoc legitur exemplo, preter litteras plus minusve, et subscripsi. | (SM) Ego Bernardus iudex auctenticum huius exempli vidi et legi et sic in eo continebatur sicut in hoc legitur exemplo, preter litteras plus minusve, et hoc exemplum scripsi et subscripsi.
Sul verso, di mano coeva X: § Carta vendicionis, quam fecerunt Lantelmum et Ugo, fratres, in manu Guifredi, filii condam item Guifredi, de tota sua parte que eis pertinent | de castro de Monti, et de omnibus rebus et terris quas ipsi fratres habebant in territorio de Monti; altra mano coeva: Exemplum monachorum de Cleravalle; segnatura Bonomi: 31. MCXX; altra mano moderna (fine XVII s., reg. 66): Bb 44; altra mano moderna: 1120.
Pergamena di mm. 162 x 328 in discreto stato di conservazione. Lieve sbiaditura della scrittura.
(ST) In Christi nomine. Placuit atque convenit inter Nantelmum et Ugonem, germanos, filios quondam Teizonis, nec non et inter Vuifredum, filium quondam item Vuifredi, seu Bergundium, filium quondam Loterii, ut in Dei nomine debeant dare, sicut a presenti dederunt, ipsi germani eisdem Vuifredo et Bergundio ad fictum, censum reddendum, libellario nomine, usque infinitum, videlicet omnia, que ipsis germanis pertinent de castro de loco qui dicitur Monti, seu et de cuntis rebus territoriis et silvis seu vitibus et molendinis, quas ipsi germani tenere videntur per beneficium, ex parte heredum quodam Uberti qui dicitur de Popiago, que res esse videntur in suprascripto loco et fundo Monti et in Buxiliago et in eorum territoriis, sive etiam hoc quod ipsis germanis pertinet de busco de Albareto et in Sumaraga, omnia et ex omnibus, sicut ipsis germanis pertinebat, cum honore et conditione et districtis, in integrum, ea ratione uti amodo ut ipse Vuifredus et Bregundius suorumque heredes aut cui ipsi dederint, una cum accessionibus et ingressibus seu cum superioribus et inferioribus suis, qualiter superius decernitur, in integrum habere debeant, et faciant ibi ex frugibus et redditu seu censu, quas exinde annue Dominus dederit, quicquid eis fuerit oportunum, sine contradictione ipsorum germanorum suorumque heredum, ita ut per eos non peiorentur; et persolvere exinde debeant singulis annis ipse Vuifredus et Bregundius vel illorum heredes eisdem germanis vel ipsorum heredibus denarium unum et candelam unam. Et hoc stetit inter eos per lignum et pergamenum que in suis tenebant manibus, ipsi germani investiverunt predictos Vuifredum et Bergundium de predicto denario et candela, per beneficium, sine ullo servicio; et hoc stetit inter eos ut si advenerit quod qualibet persona miserit intencionem de predictis rebus, in parte vel in toto, eisdem Vuifredo et Bregundio vel illorum heredibus, tunc ipsi germani vel illorum heredes actores stare et esse debent. Alia superinposita inter eos non fiat. Penam vero inter se posuerunt ut, quis ex ipsis aut heredes eorum non compleverint omnia, qualiter superius legitur, vel se tollere aut relaxare voluerint, tunc compont penam pars parti fidem servanti argenti denariorum bonorum Mediolanensium libras viginti. Et ideo dederunt ipse Vuifredus et Bergundius eisdem germanis argenti denariorum bonorum Mediolanensium libras decem et solidos quindecim. Factum est hoc anno dominice incarnationis millesimo centesimo vigesimo, mense novembris indictione quartadecima. Actum in burgo ******* Bassiani quod dicitur foras. Feliciter. Signa + manuum suprascriptorum Nantelmi et Ugonis, qui hoc libellum fieri rogaverunt et suprascriptos denarios acceperunt, ut supra. Signa + manuum Arditionis et Negronis et Petri, testium. Ego Ardericus notarius sacri palatii scripsi post traditum complevi et dedi.
Edizione a cura di
Anna Maria Rapetti
Codifica a cura di
Gianmarco Cossandi