Codice diplomatico della Lombardia medievale
(secoli VIII - XII)

(ST) Anno dominice incarnacionis milleximo centeximo septuageximo quinto, quartodecimo kal(endas) februarii, indicione octava. Placuit atque convenit inter Iohannem plesbiterum |ecclesie Sancti Georgii de Puteoblanco huius civitatis Mediolani, ibi astante et laudante Ambrosio qui dicitur Lardus de suprascripta civitate, advocato ellecto ab eodem Iohanne | plesbitero ad hoc negotium tantum, nec non et inter Chunradum qui dicitur Menclocius de suprascripta civitate, ut inde (a) debeat dare sicuti a presenti dedit ipse Iohannes plesbiter eidem | Chunrado ad habendum et tenendum libeliario nomine usque in perpetuum idest petias tres inter campos et insullas reiacentes foris hanc civitate (b) Mediolani, non | multum longe a Monte qui dicitur Luparius; prime petie, que est campus et insulla insimul se tenente, coheret a mane (c)Iohannis de Blanzago, a meridie et a sero flumen Lambri, | a monte de Porentionis et Bernardi de Capitemuri; secunde petie, que est insulla ibi se tenente a monte parte, est ei a mane de istamet terra, a sero Lamber; tercie (d) petie (e), | que est campus ibi a sero parte Lamber tantum intermedium, coheret a mane et a meridie Lamber, a sero via et Arderici Tonsi, a monte de heredibus quondam Cavagni Monetarii;| omnes ille prefate res, quante et infra suprascriptas coherentias inveniri potuerint, in presenti maneant libello in integrum. Ea vero ratione uti amodo in antea omni tempore habere | et tenere debeat ipse Chunradus et eius heredes et cui ipsi dederint predictas res omnes quas superius legitur in integrum, et facere exinde una cum superioribus et inferioribus seu cum | omnibus finibus et accessionibus suis in integrum libeliario more quicquid eis fuerit utille sine contradictione suprascripti Iohannis plesbiteri et de suis successoribus et absolutis | ab omnibus fictis et conditionibus. Et promissit ipse Iohannes plesbiter una cum suis successoribus predictas res omnes quas superius legitur in integrum omni tempore defendere et gua|rentare ex parte predicte ecclesie Sancti Georgii suprascripto Chunrado et suis heredibus et cui ipsi dederint ab omni persona iure et ratione ut venditor emtori | et in pena dupli. Quia sic inter eos convenit. Et pro suprascriptis omnibus rebus venditis accepit ipse Iohannes plesbiter a suprascripto Chunrado pretium de argen(ti) den(ariis) bon(is)| terciol(is) Mediol(anensibus) libras undecim, quas ipse Iohannes plesbiter dedit et solvit in decima quam ipse emit ab Arnaldo qui dicitur de Cassina ad locum ubi dicitur | ad Sanctum (f) Michaellem ad Guidricium, non multum longe a porta Comacina, secundum quod dixerunt et estimaverunt Rigizo qui dicitur de Pettorano et Re|bufus qui dicitur Ricius de suprascripta civitate, et qui ambo dixerunt prenominate (b) res venditas bona fide vendita (b) esse et modo se scientibus ab aliqua persona amplius accipere | non posse. Actum suprascripta civitate.
Signum + manus suprascripti Ambrosii qui ad hoc negotium tantum advocatum (b) estitit.
Signum + + manuum suprascriptorum Rigizonis et Rebufii qui estimatores estiterunt ut supra.
Signum + + + manuum Lavitioli et Ambrosii Gentii et Iohannis filii Nigronis de Concorezo testium.
Ibique statim, presentibus ipsis testibus, dedit guadiam predictus Iohannes plesbiter eidem Chunrado eo tenore quod amodo in antea omni tempore stare et permanere | habet ei in defensione cum suis successoribus de predictis omnibus rebus venditis quas superius legitur in integrum ab omni persona iure et ratione ut venditor | emtori; et quod faciet firmare et subscribere hanc cartam domnum Galdinum gratia Dei sancte Mediolanensis ecclesie archiepiscopum et domnum Nicolam primice|rium Mediolanensem et domnum Albertum primicerium (g) lectorum. Et de omnibus predictis adimplendis posuit ei exinde fideiussorem Villanum filium quondam Ambro|sii qui dicebatur Rigizonus de suprascripta civitate, qui exinde fideiussit in penam dupli.
+ Ego Guisscardus ex mandato et vice domini mei Galdini (h) Mediolanensis archiepiscopi, apostolice sedis legati, subscripsi.
+ Ego presbiter Iohannes per licentiam domini Nicole Mediolanensis primicerii subscripsi.
+ Ego Iohannes presbiter ex precepto domini Alberti primicerii lectorum subscripsi.
+ Ego Zuffus presbiter licet (i) indignus subscripsi. + Ego Iohannes presbiter ecclesie Sancti Georgii a me facto subscripsi.
(ST) Ego Ambrosius qui dicor de Capitemuri notarius sacri pallacii tradidi et scripsi.

(a) In A indei; potrebbe tuttavia intendersi in Dei [nomine]
(b) Così A.
(c) Segue de espunto.
(d) -e corretta da a
(e) -e corretta da a
(f) A socm con o espunta, e con normale segno di abbreviazione.
(g) La seconda -i- corretta da altra lettera non identificabile.
(h) In A Gald in lettere ornate, e con normale segno di abbreviazione.
(i) c in sopralinea.

Edizione a cura di Roberto Perelli Cippo
Codifica a cura di Valeria Leoni, Mirella Montanari