Lombardia Beni Culturali

Capitolo Minore - Decumani

20

Carta commutationis

1174 febbraio 21, Milano, 'in suprascripta canonica'.

Arrico arciprete della canonica dei decumani della chiesa di S. Maria Yemalis di Milano, in concordia con i canonici di cui vengono indicati i nomi, fa permuta con maestro Faxato chierico, figlio di Arnaldo Menclotius di Milano, che ha il consenso del padre, dando una terra sita nel territorio di Lambrate Inferiore in cambio di altre due site nello stesso territorio.

Originale, ASMi, F.R., pergg., cart. 379, n. 7 [A]. Regesto in ASMi, Catalogo delle pergamene, vol. III, fasc. 52. Sul verso, della stessa mano: Comutatio de terra de Lambrate de subtus. Annotazione tarda.

Pergamena di mm. 320 x 145/139; tracce di rigatura a secco.

(ST) Anno dominice incarnacionis milleximo centeximo septuageximo quarto, nono kalendas martii, indicione septima. Comutaverunt inter se ab una parte domnus Arricus archipresbiter canonice decumanorum | ecclesie Sancte Marie Yemalis de Mediolano, in concordia presbiteri Ottonis Sappe et Presbiteri qui dicitur Paliarius ac Iohannis de Vundate seu Iacobi Oliarii et magistri Salarii ac Dominici de Uglonno | et Ugicioni Preallonis canonicorum suorum ibidem asistentium, et ex altera parte magister Faxatus clericus, filius Arnaldi Menclocii, de suprascripta civitate, per consensum ipsius patris sui. Dedit siquidem ipse | archipresbiter eidem Faxato peciam unam terre ipsius canonice iacentem in territorio de Lambrate Inferiori, que est pertice due et tabule decem: a mane sibi reservat, a meridie via, a sero et a | monte ipsius Faxati. Unde ad invicem dedit ipse Faxatus eidem archipresbitero ad partem ipsius canonice duas alias petiolas terre de eodem territorio, ibi prope iacentes: prima (a) perticas duas, a meridie via, | a sero suprascripta petia quam archipresbiter dedit; secunda est ibidem, ultra viam, tabule quattuordecim, a mane est suprascripti Arnaldi, a meridie et sero ipsius canonice, a monte ipsius Faxati. Has autem terras sibi | ad invicem tradiderunt ipsi comutatores nomine comutationis ad habendum et tenendum unaqueque pars cum suis heredibus et successoribus et cui dederint, et faciendum quicquid voluerint sine | alterius partis contradicione. Et promiserunt inter se ad invicem pars parti una cum suis heredibus et successoribus predictas terras comutatas defendere et guarentare omni tempore | ab omni homine iure et usu in pena dupli, pars parti suisque heredibus et successoribus et cui dederint. Quia sic inter eos conventit. Actum in suprascripta canonica. Et inde due carte uno | tenore fieri rogate sunt.
+ Ego Henricus Dei gratia canonice decumanorum Sancte Marie dictus archipresbiter, licet indigne, a me facto subscripsi.
Signum + (b) manuum suprascripti Arnaldi qui eidem Faxato filio suo consensit ut supra et Presbiteri de Magniago et Ginesmerii de Belusco atque Nuviloni de Lambrate, testium.
(ST) Ego Gualdricus Palliarius notarius sacri palatii tradidi et scripsi.

(a) prima nell'interlinea.
(b) II numero delle croci non corrisponde al numero delle persone.

Edizione a cura di Maria Franca Baroni
Codifica a cura di Gianmarco De Angelis

Informazioni sul sito | Contatti