Capitolo Minore - Decumani
28
Carta libelli
1181 agosto 24, Milano.
Anrico arciprete della canonica dei decumani della chiesa di S. Maria Yemalis di Milano dà a livello a Cazagusto del borgo di Trezzo le sue case site nel detto borgo e una vigna nel territorio del borgo, in località detta ad Vineas Taliatas; qualora le misure della vigna fossero superiori al prezzo complessivo pagato di lire ventidue di nuova moneta milanese, Cazagusto deve dare ogni anno all'arciprete due carri di mosto, misurato in loco e consegnato a Milano, in casa dell'arciprete, per la durata della concessione a livello.
Copia della fine del sec. XVIII in Biblioteca Ambrosiana in Milano, G. C. Della Croce, Cod. dipl Mediol., I 10, c. 59, ex aut. exemplo in arch. Benef. Metrop. Mediol., non reperito, con omissis [C]. B era così autenticato: Ego Iohanes filius ser Cappe Samaruge notarius hoc exemplum ab autentico exemplavi et ut in eo continebatur, ita et in isto legitur exemplo preter litteras plus minusve.
Anno dominice incarnacionis milleximo centesimo octuageximo primo, nono kalendas septembris, indictione quartadecima. Placuit atque convenit inter domnum Aricum archipresbiterum canonice decumanorum ecclesie Beate Marie Yemalis de civitate Mediolani et ex altera parte Cazagustus de burgo Trizio ut in Dei nomine debeat dare sicut dedit ipse domnus Anricus archipresbiter eidem Cazagusto ad habendum, nominative omnes illas casas iacentes in iamscripto burgo et vineam unam iacentem in territorio ipsius burgi, ibi ubi dicitur ad Vineas Taliatas: coheret ipsis casis a mane Addua, a meridie Algisi Arduini, a sero via, a monte Bagate; coheret ipsi vinee a mane et a meridie et a monte via, a sero Mancavini, et debet ipsa vinea esse perticas octo minus tabula una, et si plus in hoc maneat libello, quas ipse domnus Aricus nuper aquisiverat suo nomine ab eodem Cazagusto pretio librarum viginti et duarum nove monete Mediolanensis, ea ratione uti amodo in antea omni tempore habere et tenere debeat ipse Cazagustus libellario nomine, etc., ad fictum faciendum omni anno eidem domno Arico vel eius heredi aut cui dederit per unam manum vel per duas ad plus carra duo de musto ad mensuram Mediolanensem, quod mustum debet esse de iamscripta vinea vel de alio musto eque bono ad arbitrium boni viri, et quod mustum debet mensurari in eodem loco vel in eius territorio, et postea debet trahi et consignari in suprascripta civitate, ad casam ipsius domni Arici vel eius heredis aut cui dederit, sine dispendio vecture et sine dispendio ciborum bobulci, et debet ipse Cazagustus vel eius heredes aut cui dederit requirere dominum ipsius ficti omni anno ut intersit vindemiis, et debet ipsum fictum consignare et ex quo ipsum mustum erit mensuratum in iamscripto loco in presentia domini vel eius missi, et ei consignatum ut supra legitur non debebit ulterius mensurari; et si dominus ibi fecerit moram seu ibi morabitur pro ipso musto expectando, debebit (a) ipse Cazagustus vel eius heredes aut cui dederit eum suis expensis conducere oneste seu pascere a duobus pastis supra donec ipsum mustum ei consignabit, et totum dispendium quod fiet pro ipso ficto exigendo a vendemiis in antea usque in carlevario debebit ipse Cazagustus vel eius heredes vel cui dederit facere de ipsis casis et vinea restituere, et usque post (b) carlevarium distulerit istud fictum dare si hic libellus cassus et irritus et liceat eidem domno Arico vel eius heredi aut cui dederit facere de ipsis casis et vinea proprietario nomine quicquid voluerit sine alicuius contradictione, et non obstante hoc libello, alia superimposita inter eos exinde non fiat. Quia sic inter eos convenit. Actum in iamscripta civitate. Et inde due carte sub eodem tenore fieri rogate sunt. Interfuerunt testes Guifredotus qui dicitur Oliarius et Marchixius de Prato et Presbiter de Gratiago atque Azo de Miriziano. Traditam per Gualdricum Paliarium notarium. Rogerius qui dicitur Paliarius scripsi.
(a) deb su correzione.
(b) post nell'interlinea.
Edizione a cura di
Maria Franca Baroni
Codifica a cura di
Gianmarco De Angelis