Codice diplomatico della Lombardia medievale
(secoli VIII - XII)

(ST) Anno ab incarnacione domini nostri Iesu Christi millesimo centesimo trigesimo secundo, mense octubris, indicione undecima. Constat nos Landulfum, | clericum ex ordine ecclesie (a) Sancti Victoris de Varisio et filium quondam Daiberti, et Guilielmum filium quondam Guidonis, patruum et nepotem, de loco Malnate, | seu Bertam filiam quondam Algisi de loco Cixade iugalem prefati Guilielmi, qui vivere professi sumus ex natione nostra lege Longobardorum, sed ego | qui supra Landulfus propter ordinem meum lege vivere videor Romana, mihi qui supra Berte consentiente ipso Guilielmo viro meo ac subter confirmante, una | cum noticia Mainfredi et Rogerii germanorum meorum qui supra temine, in quorum ac testium presentia certam facio professionem et manifestationem | quod nullam patior violentiam ab ipso viro meo nec a quolibet alio, nisi mea bona et spontanea voluntate hanc cartam vendicionis insimul cum | predicto viro meo facere visa sum, accepisse, sicuti et in presentia testium manifesti sumus quod accepimus, a te Petro sacerdote qui dicitur Gualappus | et ordinarius predicte ecclesie Sancti Victoris argenti denarios bonos Mediolanensis monete libras viginti et septem et solidos octo finito precio, sicut | inter nos convenit, pro omnibus universis casis et rebus territoriis illis iuris nostri, quas tenent per massaricium ex parte nostra Iohannes qui dicitur Piscis et Himelda | que dicitur de Puteo et Ambrosius qui dicitur Scazosus et Iohannes qui dicitur de Horo et Dominicus qui dicitur de Rodaria et Daibertus et Marchio qui dicuntur de | Fidelibus, et sunt omnes de suprascripto loco Malnate, hee sunt sedimen unum cum casa et cum area sua in villa, et solarios duos in castro de suprascripto Malnate, | et campi et vinee et silve cum areis earum, prata, stellaree, nemora, brugaria, guasture, culta et inculta, divisa et indivisa una cum | finibus, terminibus, accessionibus, usibus aquarum cum omnibus conditionibus et honoribus ad easdem res pertinentibus in integrum. Iamdictum sedimen | de villa tenet ***************, unum de predictis solariis tenet iamdictus Dominicus de Rodaria, aliud tenet predictus Iohannes de Horo. Quas autem | res superius dictas cum superioribus et inferioribus seu cum finibus et accessionibus suis in integrum ab hac die tibi qui supra Petro sacerdoti emptori nostro pro | iamdicto predo vendimus, tradimus, mancipamus, ut facias exinde a presenti die tu et cui tu dederis tuique successores iuris proprietarii nomine quicquid | volueritis sine omni nostra nostrorumque heredum contradicione. Quidem et spondemus atque promittimus nos qui supra Landulfus et Guilielmus seu Berta venditores | una cum nostris heredibus tibi qui supra Petro emptori nostro tuisque successoribus seu cui vos dederitis suprascriptam venditam qualiter superius legitur in integrum omni tempore | ab omni homine defensare. Quod si defendere non potuerimus aut si contra hanc cartam vendicionis agere aut causare presumpserimus, [tunc] in duplum | vobis predictas res restituamus, sicut pro tempore fuerint meliorate aut valuerint sub estimacione in consimilibus locis. Quia sic inter nos convenit. Et | si mihi qui supra Landulfo clerico aliquid impetit de lege Romana, nec mihi liceat ullo tempore nolle quod volui, sed quod a me hic semel factum vel conscriptum | est sub iureiurando inviolabiliter conservare promitto cum stipulatione subnixa. Actum in suprascripto loco Malnate, in porticu domus ipsius Guiliel|mi.
+ Ego Landulfus clericus a me facta subscripsi.
Signum + + manus (b) suprascriptorum Guilielmi et Berte iugalium qui hanc cartam vendicionis ut supra fieri rogaverunt, consentiente ipso eidem uxori sue ut supra.
Signa + + manuum (c) iamdictorum Mainfredi et Rogerii germanorum ipsius femine, qui eam interrogaverunt et inquisierunt et ad confirmandum manum posuerunt.
Signa + + + + (d) manuum Gercii de Varisio, Guidonis, Algisi filii ipsorum iugalium, Guidonis, Iohannis Ferrandi et Alberti et Girardi de Cantone et | Viviani, testium.
(ST) Ego Gualbertus notarius sacri palacii scripsi, post traditam complevi et dedi.
Omnes predicte res sunt fictum omni anno solidos sex et denarios quattuor de biava inter siliginem et panicum, et frumentum modia viginti et staria duo et mina (e), | et pullos sex et a mescere unum, quod est starium unum de fabis et starium unum panici, et item aliud amescere, quod est starium unum frumenti et unum vini, et pastum | per vindemias duobus hominibus, et item omni alio anno fugacias duas et pullum unum et amescere unum, quod est starium unum de fabis et panici.

(a) ecclesie in interlineo.
(b) In A nus.
(c) Qui e più oltre in A nuum.
(d) Il numero delle croci non corrisponde a quello delle persone citate.
(e) na in interlineo.

Edizione a cura di Luisa Zagni
Codifica a cura di Patrizia Merati