Lombardia Beni Culturali

Cartula venditionis

1159 gennaio 3, Pavia.

Tebaldo, di legge longobarda, dichiara di aver ricevuto da Pietro Sicus sei lire di denari pavesi d'argento quale prezzo della vendita di un manso di terra allodiale, nel territorio di Vernate, tenuto da Anselmo Radix e dai fratelli di quest'ultimo oppure da altri massari.

Originale, ASPv, AOSM, cart. ..., già cart. T [A]. Regesto Comi, ivi, *Registro della cart. T*, c. 4v, n. 49. Nel verso, di mano del notaio: § Aquistum Petri Sicchi de manso uno in Vernade; di mano del sec. XII: Aquisto de manso uni (così) in Verna (così, con -r- corr. da altra lettera); altre annotazioni tarde, tra cui segnatura Comi: 49, iterata da mano ottocentesca che ha vergato anche un breve regesto.

La pergamena presenta soltanto leggere abrasioni, soprattutto nella parte sinistra. Foro di filza.

(SN) Anno ab incarnacione domini (a) nostri Iesu Christi millesimo centesimo quinquagesimo nono, tercio mensis ianuarii, indic(tione) septima. Constat (b) me Tebaldus, filius quondam ----, qui professus sum | ex nacione mea lege vivere Longobardorum, accepisse sicuti et in presencia testium accepi a te Petro Sico argenti denariorum bonorum Pap(iensium) libras sex, finito precio, pro manso uno de terra, iuris mei, quod | habere v[i]s[us] sum in loco et fundo Vernade et in eius territorio, et est per mensuram iustam inter sedimen et terram coltam et omnes alias res iugeas duodecim, et (c) fuit temptus et laboratus per Anselmum Radicem et fratres eius |[vel] p[er] alios massarios, omnia cum omnibus ei de ipso manso pertinentibus, inintegrum. Quod autem suprascriptum mansum iuris mei superius dictum, una cum omni sua pertinencia, inintegrum, ab hac die tibi cui supra Petro pro suprascripto precio | vendo, trado et mancipo, nulli alii venditum, donatum, alienatum, obnoxiatum vel traditum nisi tibi, et facias exinde a presenti die tu et heredes tui et cui vos dederitis, iure proprietario nomine, | quicquid volueritis, sine omni mea et heredum meorum contradic(tione). Etquidem spondeo atque promitto ego qui supra Tebaldus, una cum meis heredibus, tibi cui supra Petro tuisque heredibus et cui vos dederitis suprascriptam vendicionem, | ut supra legitur, inintegrum, ab omni homine defensare; quod si defendere non potuero, aut si tibi exinde aliquid per quodvis ingenium subtrahere (d) quesiero, tunc in duplum suprascriptam vendicionem, qualiter supra legitur, tibi restituam | sicut pro t(em)pore fuerit melliorata aut valuerit per estimacionem in consimili loco, et nichil michi ex ipso precio dare debes dicxi. Actum in civitate Ticini. Feliciter.
Signum + manus suprascripti Tebaldi qui hanc cartulam vendicionis fieri rogavit et suprascriptum precium accepit ut supra.
Signa +++ manuum Acerbi Batitoris, Ardezonis Picenboni atque Ardezonis (e) Tinctoris testium.
(SN) Ego Suzo notarius sacri palacii scriptor huius cartulę vendicionis post traditam conplevi et dedi.
§ Eodem die. Presencia suprascriptorum testium iuravit suprascriptus Tebaldus manu sua propria ad sancta Dei evvangelia versus iandictum Petrum quod de suprascripto mans[o] uno | cum omni sua pertinencia, unde ipse hodie cartulam vendicionis (f), tunc quando ipsam vendicionem faciebat eum, se sciente, per alodium detinebat, cartula, scripcio, tradicio, investi|tura, refutacio, aliqua alia securitas exinde in alia parte facta est (g) que noceat ipsi Petro neque suis heredibus neque cui dederint, et ab ista die in antea non habet exinde agere | nec causare nec aliquo modo molestare in parte nec in toto ipsi Petro neque suis heredibus neque cui dederit, et in defensione et in auctoritate ab omni homine stare habet | cum racione. Hec omnia ita vera sunt, adtendere et adinplere habet bona fide, se sciente, si (h) Deus illum adiuvet et illa sancta Dei evvangelia. Suprascripti testes.



(a) -i corr. da u mediante rasura del secondo tratto.
(b) A const
(c) Segue et (nota tironiana) iterato.
(d) A subt(ra)hre
(e) A Ard(e)zoni
(f) Si sottintenda fecit
(g) Così A; s'intenda non est
(h) A sic

Edizione a cura di Barbieri, Cau, Baretta, Ansani
Codifica a cura di Michele Ansani

Informazioni sul sito | Contatti