Registro n. 10 precedente | 23 di 1018 | successivo

23. Francesco Sforza concede un salvacondotto a Carlo, Giovanni Francesco e Battista Surigono 1452 aprile 20 Milano

Francesco Sforza concede a Carlo Surigono e ai figli Giovanni Francesco e Battista, cittadini e mercanti milanesi, il richiesto salvacondotto, valido due mesi, di venire e fermarsi a Milano, disponendo che, in tale periodo, non possano subire molestie da qualche loro creditore.

[ 5r] Dux Mediolani et cetera, Papie Anglerieque comes ac Cremone dominus, supplicatum est nobis parte Caruli Surigoni ac Iohannis Francisci et Batiste, filiorum eius civium mercatorum Mediolani, ut cum eis concessum sit validum salvumconductum veniendi ad hanc inclitam civitatem Mediolani et aliis in locis quibuslibet et in eis morari et redire per infrascriptos eorum creditores, videlicet dominum Bartholomeum Moronum, Dionisium de Garbagnate nomine heredum Tomasii de Garbagnate, Gulielmum de Marliano, Martinum de Curte, magnificum comitem Filipum Bonromeum, Melchionem de Arluno et Abraam de Ardicis, duobus mensibus valiturum dignemur approbare et confirmare, mandare quod, dicto durante termino, nequeant antedicti pater et filii quoquo molestari ad instantiam aliquorum eorum creditorum, volentes in requisitis, quantum licet, supplicantibus annuere si creditores prenominati sunt ex quatuor partibus, tres partes tam respectu numeri personarum quam quantitatis debiti, iuxta formam provisionis super his edite et cetera in ea provisione contenta (a) sint complecta, eo casu tenore presentium fidantiam et salvumconductum per tempus suprascriptum firmiter duraturum afirmamus et approbamus mandantes quibuscumque ofitialibus et ius dicentibus ac subditis nostris ad quos spectat et spectabit quatenus has nostras approbationis et confirmationis litteras observent et faciant imviolabiliter observari, in quorum testimonium presentes fieri et registrari iussimus nostri que sigeli munimine robari. Data Mediolani, die xx aprilis MCCCCLsecundo.