Registro n. 10 precedente | 627 di 1018 | successivo

627. Francesco Sforza ai rationatores di Piacenza 1452 settembre 10 Quinzano d'Oglio

Francesco Sforza vuole che i «razionatori» di Piacenza provvedano, come anche loro intimarono i presidentes e gli Anziani, al pagamento di quanto spetta a Bassano Dordone.

Rationatoribus Placentie.
Cum nuntiasset nobis alias Bassanus Dordonus quod communitatis illius nostre Placentie creditor esset de nonnulla pecuniarum summa, scripsimus presidentibus et Antianis civitatis eiusdem ut illius satisfactioni omnino intenderent et taliter quod ea occasione non haberet ulterius querelari. Qui presidentes et Antiani, sicuti nobis de presenti, parte eiusdem Bassani, significatum extitit vobis mandarunt ut sue solutioni omnino operam dare deberetis, sicuti in eorum mandato continetur, quod minime vos fecisse cum querimonia nobis intimavit. Quare, intendentes et prorsus volentes de huiusmodi suo credito sibi debite satisfieri, vobis scribimus et mandamus quatenus circa satisfactionem suam talem apponatis ordinem et modum, quod ammodo ea de causa ad nos cum querela redire non habeat, et prout a memoratis presidentibus et Antianis vobis iniunctum extitit. Data in nostris felicibus castris apud Quinzanum, die x septembris 1452.