Registro n. 10 precedente | 652 di 1018 | successivo

652. Francesco Sforza agli abbati dei notai di Milano 1452 settembre 17 Quinzano d'Oglio

Francesco Sforza ordina agli abbati dei notai di Milano di far rinnovare con le formalità di rito, e posto che risulti veramente smarrito, il documento di cui il famigliare ducale Troilo da Doione fa istanza per poter rivendicare i suoi diritti. Duplicato che deve essere restituito nel caso di rinvenimento di quello ritenuto perso.

Abbatibus notariorum Mediolani.
Considerato tenore presentibus incluse nobis exhibite per Troylum de Doyono, familiarem nostrum dilectum, precipue ne ex ammissione instrumenti obligationis, de quo ibidem exprimitur, supplicans iure suo privatus remaneat, scribimus vobis et volumus quatenus, vocatis quorum interest et sumpta de naratis expedienti informatione, si noveritis instrumentum ipsum verisimiliter fuisse deperditum, uti asseritur, illud faciatis per notarium ad quem spectat denuo expleri, et supplicanti in pubblicam formam tradi, per modum quo fidem faciat; eo tamen prius sollemniter iurante quod instrumentum illud, quod reffici petit, nullo dolo a se, vel alio suo nomine, vel se sciente adhibito, perditum est, quodque illud dolo vel fraude habere desiit et quod id fraudolenter refici non petit, et suumque ad manus suas pervenerit vel habere poterit, quod illud restituet vobis aut dicto notario, sive illi qui deputatus est vel erit ad imbreviaturas dicti notarii aut successoribus vestris, cancelatum et anihilatum nec eo amplius utetur im preiudicium [ 108r] alicuius, set solum isto noviter expleto quodque ex nunc vult id cassum et irritum haberi et nullius esse momenti, et quod de credito ipso supplicanti non est in toto nec in parte satisfactus, intendentes tamen, et presentium serie declarantes quod explectio dicti instrumenti non noceat nec nocere possit illi vel illiis, in cuius seu quorum preiudicium explebitur, eatenus quatenus verificent ipsum debitum esse solutum aut non teneri ad solutionem debiti, de quo in dicto instrumento fit mentio, in totum vel in parte. Ex castris nostris apud Quinzanum, die xvii septembris 1452.