Registro n. 10 precedente | 745 di 1018 | successivo

745. Francesco Sforza a Niccolò Arcimboldi 1452 ottobre 9 Leno

Francesco Sforza vuole che Niccolò Arcimboldi del Consiglio segreto dia, per concorde richiesta delle parti, i figli e asseriti eredi di Giovanni e Gasparino della Chiesa e Caterina e Galassino Canepanova, il suo parere sulla legittimazione fatta da Antonio, padre di Caterina, parere che, trasmesso entro un mese, a Bordono, commissario di Binasco, questi tradurrà nella sua sentenza, che dichiari anche, con il consenso delle parti, che il perdente è tenuto a rifondere al vincitore le spese della causa, fatti sempre validi gli atti in essa compiuti.

Domino Nicolao Arcimboldo de Consilio secreto.
Novissime, cum in causa vertente inter filios quondam et assertos heredes Iohannis et Gasparini dela Ecclesia, parte una, et Caterinam et Galassinum de Canevanova, ex altera, coram Bordono, Binaschi nostro commissario, ad nos ambe accesserint partes instantes, altera, ut suspensio quedam facta in eadem causa tolleretur et mandaretur quod, ea non attenta suspensione, idem commissarius in illa ad decisionem procederet, altera, ut ea commissio penitus revocaretur, cum commissarius ipse inter partes iudex non sit competens. Multis denique hinc inde dictis, convenerunt partes eadem ut vobis committatur, tanquam ipsarum confidenti causa huiusmodi consulenda, videlicet an legitimatio facta per dictum quondam Antonium, ipsius Caterine patrem, teneat an ne, et iuxta vestri consilium prememoratus Bordonus commissarius pronuntiet et declaret. Scribimus propterea vobis et committimus quatenus, habitis et vocatis coram vobis, et partibus ipsis auditis, et visis ac cognitis iuribus earundem, infra terminum, quem convenire putaveritis, vestrum superinde debeatis reddere consilium, quod infra mensem, ad tardius, a die harum presentationis, memorato Bordono in causa commissario, sub sigillo vestro et per fidum nuntium transmisisse, ut secundum illud suam sententiam proferat, volentes, de dictarum partium consensu, quod, inter cetera, declaret victum victori ad refectionem expensarum in causa legitime factarum teneri et condemnari debere cum validitate tamen [ 124r] actorum inter partes et in causa ipsa legitime factorum, confidentes firmiter in virtutibus, probitate ac scientia, quibus estis plurimum reddimitus, quod, dante vestro recto iudicio, partes ipse merito acquiescent. Data in nostris felicibus castris apud Lenum, die viiii octobris 1452.