Registro n. 12 precedente | 397 di 2324 | successivo

397. Francesco Sforza a Baldassare de Curte 1452 aprile 5 Milano.

Francesco Sforza, perché da alcuni giorni ha ripreso a infierire la peste, preoccupato in particolare per i figli, chiede a Baldassare de Curte, dei vicari generali, che si preparino luogi opportuni fuori città per gli appestati, così che i sani possano beneficiare di abitazioni, letti, alimenti, medici; provvedimenti costosi a cui provvederanno i membri di provvisione del comune con imporre addizionali su dazi a loro scelta.

[ 89v] Baldessarri de Curte ex vicariis generalibus ducalibus.
Cara nobis est civitas illa carique cives eorumque omnium vite et personarum discrimina omni cura, sollicitudine et industria, ipsis etiam conquiescentibus et ignorantibus, avertere studeremus, sed et existentium ibidem liberorum nostrorum tutelam et incolumitatem haud minus quam nostram propriam magnipendimus et conquirimus, cum pro naturali instinctu, cum pro summa in eos teneritate, caritate et pietate nostra, quam et omnis ratio exigit. Sentientes igitur pestem in ea civitate nostra et nonnullis diebus citra parumper repululasse ingenti molestia affecti sumus, et oneramus vos ac volumus quod eius reprimende et procurande sospitatis precipuam per id temporis quo ibi residere habueritis cum amplectamini et una cum officialibus nostris et sapientibus provisionum communis ibidem operemini quod extra civitatem, si non electa sunt, statim eligantur loca idonea et omni respectu apta ad que reducantur, levandi de domibus infectis, et, seperati ab egrotis, sani reponantur et sibi lectorum, linteaminum, alimentorum, medicinarum et medicorum ac reliquorum opportunorum fiat provisio quemadmodum et alias scripsimus et hic et rei condicio postulat. Et quam consimilia non sine pecuniis fieri posse scimus, contentamur et laudamus si communitas illa nullum meliorem habet modum quod dicti sapientes provisionum datiis illis, de quibus sibi videbitur, faciant additiones, quarum additionum denarii exigantur et ad huius servitii substentationem convertantur; nam et ita fit in hac urbe nostra et, cessante infectiones (a) cessabunt additiones eiusmodi, et nos quicquid superinde fecerint ipsi sapientes approbabimus et confirmabimus, nichil e latere nostro deesse disponentes ad recipiendam et amplexandam clementissimi Dei gratiam, si divine maiestati sue libuerit illam ipsam civitatem et cives nostros in sospitate conservare et a pestis acerbitate tueri, sicut et optamus vehementissime speramus opportunum, proinde vobis per presentes quaslibet opportunas faciendi provisiones arbitrium concedentes. Mediolani, die v aprilis 1452.
Apud Magistros intratarum.
Cichus.
In simili forma scriptum fuit officialibus et sapientibus provisionum civitatis Papie.