Registro n. 13 precedente | 1074 di 1330 | successivo

1075. Francesco Sforza alla famiglia Spinola di Genova 1453 gennaio 19 Milano

Francesco Sforza conferma agli Spinola di Genova di aver inteso quello che da parte loro Sceva de Curte, oratore e consigliere ducale, ha esposto circa l'accordo con i signori di Monferrato, assicurandoli di aver sempre auspicato di arrivare a un'intesa con loro nonostante l'improvvisa guerra. Il duca in risposta a tale atteggiamento ha deciso di mandare il Colleoni contro quelli di Monferrato per sfatare le supposizioni di chi pensa che miri alla distruzione del loro stato, e anche per compiacere gli Spinola.

Spectabilibus viris amicis nostris carissimis universe familie de Spinolis civitatis Ianue.
Recepimus litteras vestras, eaque intelleximus que, parte vestra, spectabilis dominus Sceva de Curte, orator et consiliarius noster (a) dilectissimus, vivis affatibus, exposuit circa concordiam et pacem cum hominis de Monteferrato contrahendam. Ob quam rem, respondentes dicimus, ut certiores esse debetis, quod nos nunquam destitit, ne cum dictis de Monteferrato concordiam et pacem bonam haberemus, nam, non obstante guerra, quam adversus nos et statum nostrum, tam abrupte et improvise moverunt sine ulla iusta et honesta ratione, ipsos per litteras nostras sepenumero [ 395r] de concordia, pace et fraternitate requisivimus, quod quidem cum effectu intelligere nunquam voluerunt, quamquam plurima venalia verba in medium et apud nos et apud amicos mediatores rei persepe protullerint protinus a mente eorum, sicuti comprehenditur, aliena. Cum itaque sic videremus, fuit necesse ut magnificum Bartholomeum Colionum, armorum capitaneum nostrum dilectissimum, cum gentibus nostris contra dictos de Monteferrato mitteremus pro terris et locis nostris recuperandis, que ipsi impresentiarum occupant. Verum, ut vobis complaceamus, et ne quippiam excogitare possit nos dictorum de Monteferrato statum, vel eorum ruynam, desyderare, dicimus quotiescunque ipsi terras et loca nostra nobis restituere deliberent et velint, ut iustum et equum est, non obstantibus tot et tantis iniuriis, quibus indebite fuimus ab eis lacessiti ac damnis, que ab ipsis recepimus, illico cum eis bonam concordiam, pacem inviolabilem et veram fratenitatem habebimus, et hanc intentionem et dispositionem nostram re ipsa demonstrabimus, si ipsi de Monteferrato id facere intendent. Quod iterum, vestro amore, nos facturos policemur si, vestra mediatione aut opera, nobis ablatarum rerum et terrarum nostrarum fiat restitutio, alioquin vires nostras adversus eos et quidem male libenter, ita adaugere curabimus ut comprehensuri sint se non recto fuisse usos consilio, ne dubitamus huiusmodi propositum nostrum a vobis laudatum et commendatum (fuisse). Mediolani, die xviiii ianuarii 1453.
Irius.
Leonardus.
Cichus.