Registro n. 13 precedente | 206 di 1330 | successivo

206. Francesco Sforza a Giacomo de Schiffis 1452 febbraio 22 Milano

Francesco Sforza narra a Giacomo de Schiffis, commissario generale sabaudo e vicario a Vercelli, che altre volte Bizolo della Croce si era recato lì con lettere ducali per incontrare, a nome dei fratelli del defunto Filippo de Fossate, gli uomini del distretto di Burgaro e di Villata, terre sottoposte al duca sabaudo debitrici di una certa somma di danari. Siccome Bizolo vuole recarsi nuovamente lì, ha chiesto, anche a nome dei fratelli, una raccomandazione ducale; lo Sforza esorta il commissario sabaudo, constatato il debito, a provvedere che Bizolo consegua il dovuto da detti uomini.

[ 62r] (a) Domino Iacobo de Schiffis, iuris doctori ducali Sabaudiensi comissario generali et vicario in Vercellis.
Se contulit alias ad illam civitatem Bizolus dela Cruce, exhibitor cum litteris nostris, ut ibi conveniret nomine et vice fratrum quondam Filippi de Fossate, civium nostrorum Mediolanensium, homines comitatus Burgari et Villate terrarum illustrissimo principi ac domino duci vestro suppositarum, que debitrices apparent de certa pecuniarum quantitate ipsorum fratrum, tum per legitima documenta communis terre Villate, tum ex publico instrumento, quod in solam dicti Filippi personam sub nomine suprascripte communitatis factum extitit respectu communitatis Burgari. Et ut prenominatus Bizolus refert, quamquam exhibuerit idoneum instrumentum et ipsalegitima documenta, de quibus supra, et lata fuerit ulterius pro antedictis fratribus, seu Filippo memorato contra supradictam communitatem Burgari sententia de debito concesseritque eisdem plures terminos ad habilius solvendum, tamen consequi ipsum nondum potuit, quin ipsi homines ad illud reddendum se valde retrogrados prebent et actionem contra eos personalem nequivit obtinere. Ex quo oportuit cum litigiis et impensis fatigatum non consecuta eius eiusdemodi solutione sua redire. Cum igitur Bizolus idem velit eo reverti, causa memorata impositione ac nomine fratrum eorum, qui nostram vobis dirigendam commendationem postulaverint sibi persuadentes utilitatem rei sue futuram, hortamur vos, tum pro rei honestate, quia ubi de debito constat debitores sunt compellendi, tum etiam ne spes ex ipsis litteris nostris concepta fallat eos queque nos idem et libenter ac liberaliter pro civibus et subditis quibusque prefati extra domini vestri cui pro sua erga nos benivolentia plurimum afficimur faceremus, ut causam dictorum fratrum civium nostrorum suscipiatis ex animo commendatam et provideatis per illas vias ac modos de quibus melius videbitur vobis, quod Bizolus ipse qui dictam instantiam cum sententia etiam legitima documenta, de quibus paulo supra diximus, vobis exhibebit, quam citius fieri a vobis poterit, et quidem, sine cavillationibus et captiosis dillationibus, sibi omne debitum effectualiter a dictis hominibus communium suprascriptorum consequatur; nam quamquam persuadeamus nobis vestram spectabilitatem id facturam pro iusticia quam et ex natura sua et ex onere dignitatis officii collere multum consuevit ac debet, nihilominus magnam nobis erit factura complacentiam si redierit Bizolus inde iuxta rectum et honestum votum fratrum antedictorum expeditus. Data Mediolani, die xxii februarii 1452. (b)
Lucha.
Cichus.