Registro n. 13 precedente | 931 di 1330 | successivo

932. Francesco Sforza al doge e al comune di Genova 1452 novembre 25 Gambara

Francesco Sforza, grandemente bisognoso di denaro per il mantenimento dell'esercito č fermamente deciso a chiedere al doge, al comune di Genova una sovvenzione per il cui conseguimento č necessario fare promesse e stipulare obbligazioni, compiti ai quali egli delega Sceva de Curte fidando nella sua fedeltā e probitā nelle trattative con il doge Pietro Campofregoso, il Consiglio degli Anziani, l'officio dei Sedici di provvisione e con qualsiasi officio e consiglio di Genova. Chiederā 50.000 lire genovesi, computate le 27000 avute a mutuo, parte in moneta aurea e parte in moneta argentea, tramite Bartolomeo da Levanto. A garanzia del sussidio si imporrā sopra la condotta ducale del sale dieci soldi pro singula mina e soldi quattro pro quolibet centenario gualdorum alla cessazione di una imposizione giā in atto a favore del doge.

[ 341r] Franciscus Sfortia Vicecomes dux Mediolani et cetera, Papie Anglerieque comes ac Cremone dominus, cum pro substentatione exercitus nostri et maximi oneris quod gerimus, plurimum indigeamus pecuniis, et fermiter nobis persuadeamus subsidium et subventionem pecuniariam impetrare debere ab illustri et excelso domino duce Ianuensi et excelso communi Ianue, pro qua subventione obtinenda necessarium erit, ut arbitramur, fieri nonnullas promissiones, obligationes et instrumenta. Idcirco, omni ex parte confidentes de integra fide, experientia, virtute, probitate, rerum notitia, et in gerendis rebus diligentia spectabilis viri domini Sceve de Curte, legum doctoris et militis, legati et oratoris nostri, omni modo, iure, via et forma, quibus melius et validius possumus, consulte, deliberate et ex certa scientia, facimus, constituimus, creamus et ordinamus memoratum dominum Scevam absentem tamquam presentem, nostrum verum et legitimum nuncium, actorem, factorem, mandatarium et procuratorem, et quicquid melius dici et esse possit, spetialiter et expresse ad se presentandum coram illustri et excelso domino Petro de Campofregoso, Dei gratia Ianuensi duce, magnifico Consilio dominorum Ancianorum et spectato officio sedecim provisorum civitatis Ianue et coram quibuscunque officiis, consiliis et magistratibus memorate civitatis, tam creatis quam creandis, et ad petendum ab eis subventionem ac subsidium pecuniarum et etiam ad accipiendum mutuo ab ipso illustri domino duce et officio sedecim provisiorum, nomine nostro, et a quibuscunque agentibus nomine et vice excelsi communis Ianue libras quinquaginta milia Ianuorum et plus et minus, prout pretacto domino Sceve, legato et procuratori nostro videbitur et placuerit, computatis in ea summalibris viginti septem milia Ianuorum nobis mutuo traditis et numeratis, partim in moneta aurea et partim argentea per spectatum virum Bartolomeum delevanto, legatum Ianuensem et ad habuisse et recepisse confitendum omnem quantitatem pecunie nobis mutuatam et mutuandam, nomine et vice prelibati illustris domini ducis et officii provisorum et seu excelsi communis Ianue et ad faciendum instrumentum et seu instrumenta confessionis de recepto, tam ex mutuo quam alia de causa, cum promissionibus, obligationibus, iuramentis, ypotecis, clausulis et cautellis necessariis et opportunis. Et ad imponendum ac addendum super sale conducte nostre soldos decem pro singula mina et soldos quattuor pro quolibet centenario gualdorum, cui impositioni locus esse debeat finita demum alia impositione et obligatione iam facta, nomine nostro, ipsis illustri domino duci et officialibus in instrumento promissionis et obligationis nominatis, [ 341v] et seu illis quibus pretacta obligatio facta fuit, et ad assignandum, obligandum et transferendum pretactam additionem soldorum decem pro singula mina salis et exactionem soldorum quattuor impositionis gualdorum pretactis illustri domino duci et officio provisorum et in ipsos seu in agentes pro excelso communi Ianue, vel in quos voluerint et mandaverint, et sub illis modis, formis et cautellis de quibus pretacto procuratori nostro videbitur et placuerit. Et ad obligandum pro suprascriptis omnibus et inscriptis nos et bona nostra, redditus, vectigalia ac datia nostra, tam per instrumentum et scripturas, quam sine et cum clausulis, penis, iuramentis et cautellis necessariis et opportunis, et etiam ad gerendum, procurandum et tractandum omnia et singula nostra negocia et generaliter ad omnia alia et singula faciendum et gerendum in predictis et circa predicta, et in dependentibus et emergentibus ab eis que fuerint necessaria, utilia et opportuna, etiam si talia forent que mandatum exigerent spetiale et que facere possemus si personaliter presentes essemus, dantes et concedentes eidem domino Sceve, procuratori et legato nostro in predictis omnibus et circa ea amplam, liberam et generalem auctoritatem, arbitrium et potestatem ac spetiale mandatum cum pIena, libera, generali et spetiali administratione sibi superinde committentes totaliter et integre vices nostras, promittentes etiam nos gratum, (a) firmum et validum perpetuo habituros quicquid ab eodem legato et procuratore nostro in premissis omnibus et singulis et circa ea et dependentibus, emergentibus et connexis ab eis et quolibet eorum agitatum, gestum et perfectum fuerit et seu quolibet procuratum, quodque contra ea vel aliquod eorum non faciemus vel veniemus aliqua ratione vel causa, que dici vel excogitari possit in genere, vel in specie, de iure, vel de facto. Et pro observatione premissorum obligamus omnia bona nostra presentia et futura et ad maiorem cautellam et robur premissorum, presentes litteras nostras manu propria subscripsimus easque registrari et fieri iussimus nostrique sigilli munimine roborari. Ex Gambara, die xxv novembris 1452.
Ser Iohannes de Ulesis.
Franciscus Sfortia Vicecomes manu propria subscripsit.
Cichus.


(a) Segue ratum depennato.