Registro n. 15 precedente | 1427 di 1468 | successivo

1427. Francesco Sforza al Revisore generale, al Regolatore, ai Maestri delle entrate 1458 luglio 1 Milano

A Francesco Sforza si fa qui ripetere quanto pił sopra riportato con la sola variazione dell'entitą del mutuo che da 3000 viene qui maggiorato a 3480 lire.

[ 447v] Dux Mediolani, et cetera, pro incumbentibus nobis necessitatibus recuperaverunt impresentiarum mutuo agentes nomine Camere nostre libras tresmille quatuorcentum octuaginta imperialium ad terminum octo mensium proxime futurorum mediante opera Iacobi de Gradi, malosserii, et sub fide dilecti nostri Iohannis de Trechis, qui, pro sua in rebus nostris solita diligentia et promptitudine idoneam fecit promissionem de restitutione dictarum librarum triummille quatuorcentum octuaginta in mense februarii proxime fututo solvendarum eis qui de pecuniis ipsis subvenerunt. Cum hoc quod idem Iohannes viceversa cautus a nobis efficiatur per faciendam sibi assignationem opportunam super intratis nostris huius nostre civitatis Mediolani in dicto mense februarii de consequutione dictarum librarum triummille quatuorcentum octuaginta secundum habitam per eosdem agentes cum dictis Iohanne et Iacobo de acordio invicem intelligentiam superinde, admittentes, itaque, huiusmodi recuperationem et promissionem, ut supra factam et habitam, atque gratam et firmam eam habentes, confirmantesque, tenore presentium, mandamus harum serie spectabili Consiliario et Revisori nostro generali necnon Regulatori et Magistris intratarum nostrarum ceterisque omnibus ad quos spectet, quatenus assignent memorato Iohanni suprascriptas libras tresmille quatuorcentum octuaginta super (a) premissis intratis in mense predicto quemadmodum et nos per presentes assignamus, faciantque ex nunc fieri et expediri quascumque scripturas, rationes, bullettas et, congruo tempore, debitas solutiones proinde necessarias, alliquibus in contrarium non obstantibus. In quorum, et cetera. Mediolani, die primo iulii 1458.
Franciscus Sfortia Vicecomes manu propria subscripsit.
Cichus.


(a) Segue ipsis depennato.