Registro n. 15 precedente | 393 di 1468 | successivo

393. Francesco Sforza restituisce al cardinale di Aquileia un sussidio 1452 novembre 4 apud Calvisanum

Francesco Sforza, siccome il cardinale e patriarca aquileiense e camerario del papa gli ha offerto un sussidio di 7019 lire, vuole che si provveda alla restituzione nel 1453 di detta somma con assegnazione allo stesso cardinale o a Michele Lambertenghi da Como, suo agente in queste parti secondo le modalità indicate dietro rilascio di ricevute della Camera ducale, del tesoriere generale e della tesoreria del Comune di Milano, predisponendo le lettere d'assegnazione con conseguenti scritture necessarie.

Dux Mediolani, et cetera, animadvertens reverendissimus in Christo pater et dominus L., ecclesie Sancti Laurencii in Damasso presbiter cardinalis et patriarcha Aquille(ie)nsis, sanctissimi domini nostri Pape camerarius, incombentem nobis hoc in tempore pecuniarum opportunitatem, voluit sponte quidem et liberaliter sufragium nobis impendere de libris septem mille decem novem imperialium, dignumque sit quod sibi ex nunc de opportuna restitucionis assignacione provideamus eidem reverendissimo domino cardinali, seu Micaeli Lambertengo de Cumis, nomine persone sue his in partibus agenti, eas ipsas libras septemmile novemcentum imperialium assignavimus et per presentes assignamus firmiter quidem et irrevocabiliter hoc modo, videlicet: libras tresmile quingentasnovem et soldos decem imperialium super dacio doane inclite urbis nostre Mediolani in mensibus augusti, septembris, octobris, novembris et decembris anni proxime futuri 1453; videlicet: libras septemcentumunam et soldos decem imperialium super dacio grassarum eius ip(si)us urbis dictorum mensium, similiter mensuatim pro rata solvendis. Cum hoc quod, si defectu aliquo, intrata alicuius eorundem mensium non suppleret, vel aliter ista solucio quovismodo defecerit in altero eorum supplente vel superabundante retrahere et consequi, decernentes et ipsi Michaeli concedentes quod ex nunc et seu quando ei videbitur confessiones a Camera nostra et a thexaurario nostro generali et thexauraria nostri comunis Mediolani fieri et expediri facere possit de solucione predictorum denariorum quaslibet necessarias, [ 159r] dictos denarios reccuperare etiam ante tempus solucionis eorum, prout sibi melius videbitur et magis placuerit; quodque liceat daciariis predictorum daciorum facere soluciones eiusmodi etiam ante tempus eidem Michaeli antedicto, seu cui vel quibus ipse voluerit, tucte, libere et impune, omni impedimento cessante, mandantes, tenore presentium, egregio Regulatori et nobilibus Magistris intratarum nostrarum, necnon antedictis thexaurario et daciariis, ceterisque ad quos spectat et spectabit quomodolibet in futurum, quatenus has nostras assignationis litteras admittant ac pro eius et omnium premissorum executione et observancia fieri faciant scripturas, rationes, bulletas, intratas, confessiones ac soluciones quaslibet opportunas, aliquibus decretis, ordinibus aut aliis in contrarium facientibus non obstantibus. In quorum, data apud Calvisanum, 4 novembris 1452.
Franciscus Sfortia Vicecomes manu propria subscripsit.
Antonius.
Matheus.
Aluisius.