Registro n. 15 precedente | 43 di 1468 | successivo

43. Francesco Sforza al Regolatore e ai Maestri delle entrate 1452 gennaio 28 Milano

Francesco Sforza ricorda al Regolatore e ai Maestri delle entrate di avere assegnato con lettere da Esio del 28 ottobre 1442 a Vincenzo de Auridanis, suo segretario, una provvigione annua di cento ducati d'oro da pagarsi sulle entrate di Cremona. Il duca vuole che Vincenzo, come gli altri provvisionati, continui a percepire l'assegnazione annuale accordatagli; ciò avvenga anche in futuro.

[ 67v] Regulatori et Magistris intratarum.
Cum iam annis pluribus elapsis antequam dominio huius nostre civitatis Mediolani potiremur, assignaverimus dilecto nostro secretario Vincentio de Auridanis pro annua previsione ducatos centum auri in civitate nostra Cremone et super introitibus ibidem nostris ei persolvendos usque ad nostrum beneplacitum, ut constat litteris nostris datis Esii, die xxviii octobris (a) 1442, manu nostra propria subscriptis ac etiam signatis per Antonium de Minutis, tunc generalem nostrum thexaurarium. Cumque abinde in antea usque ad consecutionem dominii prefate nostre civitatis Mediolani continue, vigore predicte nostre deputacionis et assignacionis per thexaurarium nostrum Cremone eidem Vincentio de dicta annua provisione per tempora responsum extiterit, nec non ab adepto dominio civitatis ipsius nostre Mediolani citra pariformiter, ex ordine nostro, ipse Vincentius, vel in totum, vel pro maiori parte, de dicta provisione bullectas a vobis, regulatore et magistris, una cum aliis provisionatis in ipsa nostra civitate ac proinde partem solutionis consecutus sit, partemque habere restat de qua tamen omni quantitate in bulletis sibi per vos factis, ut supra contenta, debitor ad Cameram nostram factus quidem extitit, set nullum ex huiusmodi causa creditum habere videtur. Idcirco volumus et vobis mandamus cum nostre sit intentionis eundem Vincentium dictam provisionem ei, ut supra, per nos deputatam in dicta nostra civitate percipere debuisse et potuisse ac percipere in futurum debere, et faciatis ipsum Vicentium creditorem fieri in Camera nostra ex opposito dicti debiti de singulis ducatis centum singulo anno, ex causa provisionis predicte a tempore adepti per nos Mediolanensis dominii citra usque in diem hodiernum (b) providendum quod si eos integre non habuisset, residuum sibi persolvatur sine retencione aliqua, excepta retencione capsoldi consueti, declarantes quoque ac iniungentes vobis ut litteras ipsas nostras observari facientes in futurum, nostro perdurante beneplacito similiter de provisione ipsa annua [ 68r] ducatorum centum auri sine retentione ut supra, eidem responderi faciatis in civitate nostra pretacta, creditum, bullettas et scripturas superinde opportunas fieri facendo. Mediolani, xviii ianuarii 1452. (c)
Cichus.