Registro n. 15 precedente | 732 di 1468 | successivo

732. Francesco Sforza ai cittadini Milanesi 1454 maggio 21 Milano

Francesco Sforza, ricordato come l'anno precedente, quando incombeva il grave peso della guerra, i Milanesi abbiano aderito alle sollecitazioni del suo consigliere Antonio Trivulzio e di Gaspare Vimercati, e ancora nell'anno in corso come altrettanto fecero altri cittadini su incitamento di Antonio e di Gaspare per cui il tutto ascende a quasi 35000 ducati, intende corrispondere a tale pronto e liberale sussidio con debita restituzione, cui provvederanno, con assegnazione sulle entrate ducali milanesi del 1455 con rate successive, il Regolatore e i Maestri delle entrate.

Dux Mediolani, et cetera, illi cives huius inclite urbis nostre qui, anno superiore ob in(c)u(mbe)ntem tunc nobis guerre sarcinam, iuxta requisicionem spectabilium dilectissimorum nostrorum Antonii de Trivulcio, consiliarii nostri, et comitis Gasparris de Vicomercato, de notabili pecunie summa mutuo nobis subvenerant quibusvis mediantibus opportunis assignationibus de huiusmodi subvencionibus aut in totum aut in parte satisfactum fuit. Denuo hoc nobis, presenti anno, prestiterunt quicquid per eos ex ipsis subventionibus retractum fuerat. Et similiter plurimi alii cives eius ipsius urbis nobis etiam subvenerunt de pluribus pecuniarum quantitatibus opera semper et diligentia ipsorum Antonii et comitis Gasparris; quarum omnium pecuniarum summa ascendit circha ducatos trigintaquinquemille, constituentes centumduodecim mille libras, eo computato quod dicti cives ex subvencionibus - ut prefertur - primum factis habere restant; habentes itaque tam pruntam tamque liberalem et tam paratam assidue voluntatem et beneficenciam ipsorum civium gratissimam et acceptissimam condecens esse perspicimus, ut sicut illi prompte et liberaliter quidem subsidium nobis impenderunt, ita ut eos per debita ipsarum pecuniarum restitucione de opportuna eis assignatione provedeamus, quo et nedum ipsi alias libentius subvenire nobis possint, set etiam et reliquis sint exemplo id ipsum in neccessitatibus nostris peragendi.
Harum igitur serie comittimus (a) et mandamus egregio Regulatori et nobilibus Magistris intratarum nostrarum [ 238r] quatenus eis ipsis civibus secondum credita uniuscuiusque eorum, causa dictarum subvencionum faciant firma(m) et validam assignationem de predictis libris centumduodecim mille, sicut et nos per presentes facimus super intratis nostris premisse urbis proximi anni 1455 hoc modo, videlicet super datio magno, idest intrate portarum primorum septem mensium. Et super eius addicione de libris duabusmille singulo mense in primis quatuor mensibus, et de aliis duabusmille libris super eisdem datio et addicione singulo mense in aliis tribus mensibus immediate secuturis, necnon de libris mille super datio vini de minuto singulo mense dictorum trium mensium; item super datio intrate portarum ultimorum quinque mensium et eius addicione singulo mense ipsorum quinque mensium de libris duodecim mille. Et super dicto datio vini de minuto in ipsis quinque mensibus quolibet mense de libris duabusmillequatuorcentum necnon super imbotaturis vini et bladorum ducatus nostri Mediolani suprascripti anni 1455; de libris 23000 que omnes pecunie ascendunt summam predictarum librarum 112000, decernentes et volentes quatenus fieri et expediri faciant raciones, scripturas, bullectas, confessiones et soluciones quaslibet pro premissis neccessarias et expedientes, aliquibus in contrarium facientes non attentis. In quorum, et cetera. Mediolani, die xxi maii 1454.
FranciscuSfortia Vicecomes manu propria subscripsit.
Cichus.