Registro n. 2 precedente | 1116 di 1791 | successivo

1116. Francesco Sforza a Giacomo Calvi 1450 dicembre 8 Milano

Francesco Sforza chiede a Giacomo Calvi di perorare presso il papa Niccolò V la concessione di una bolla in favore di Giangaleazzo Porro.

Domino Iacobo de Calvis.
Est nobis civis carissimus generosus Antonius Porrus cui, cum pro maiorum suorum splendore generis et morum prestantia ac singulari in excelentiam numquam delende memorie principem socerum et patrem nostrum colendum et alios felicissimos predecessores suos fide et observantia, tam pro sua inviolabili in nos statumque nostrum affectione, reverentia et devocione bene fieri cupimus, eidem est filius Iohannes Galeaz nomine, vita et moribus honestus ac bonis artibus et litteris indefessam operam impendens, quippe qui sub divina pocius, quam sub terrena milicia statuit militare, pro quo beatissimo domino nostro favorabiliter scripsimus ut gratiam expectamus cuius forma est presentibus involuta: sanctitas sua Iohanni Galeaz memorato nostra contemplacione conferre dignetur. Pro eodem teque ortamur, quem scimus pro suis concivibus et precipue bene merentibus libenter elaboraturum ut apud prelibatam sanctitatem taliter eniti curare et instare velis, quod bulla sive gratia, de qua ab ipso informabere et quam cito fieri poterit ex pediatur, quod quidem si feceris, ut arbitramur tum rem nobis gratissimam et prenominatis vero utilissimam et optatissimam conficies. Data Mediolani, die viii decembris MCCCCL.
Cichus.