Registro n. 2 precedente | 1762 di 1791 | successivo

1762. Francesco Sforza al luogotenente di Lodi 1451 giugno 2 Milano

Francesco Sforza ordina al luogotenente di Lodi che faccia riportare le pietre asportate dalla cascina, detta de Schiatis (sita al di là dell'Adda), appartenente a Lancilotto de Rociis.

Locumtenenti Laude.
Conquestus est nobis Bassanus de Cassetis, civis noster Laudensis, agens nomine patris Lanciloti de Rociis, quod quedam sua domus sive cassine dicte de Schiatis, existentes ultra flumen Abdue, sibi dirrumpantur et dilapidantur lapidesque huiusmodi ad laboreria illius rivellini nostri convertuntur, in sui preiudicium maximum et grave detrimentum. Quod cum ab honestate non modo dissonum sit et alienum, sed etiam multum nobis displiceat nolentes eidem huiusmodi suffere molestias, tibi committimus quod de cetero cassinarum predictarum menia dirruppare non permittas quoquo modo, nec prostratos lapides asportare, volentes potius quod, si qui abducti sunt, eidem cum integritate reddantur, ne amplius causam ad nos habeat iusta cum querella redeundi. Data Mediolani, die secundo iunii MCCCCLprimo.
Cichus.