Registro n. 2 precedente | 1791 di 1791 | successivo

1791. Francesco Sforza concede un'investitura enfiteutica 1451 giugno 15 Milano

Francesco Sforza, considerato quanto premesso, vista l'utilità della vendita, avuto il parere favorevole del vicario generale arciepiscopale di Milano, concede, in deroga al decreto che vieta la locazione dei beni ecclesiastici al di là del novennio, pena la perdita del bene, che l'accennata investitura enfiteutica si faccia. Ordina che del documento si rediga un atto notarile alla presenza di testi e interveniente un secondo notaio.

[ 477v] Franciscus Sfortia Vicecomes, dux Mediolani, et cetera. Recepimus supplicationem parte ministri hospitalis Sancti Ambrosii huius inclite urbis nostre, suo nomine ac nomine fratrum capituli et conventus dicti hospitalis et nobilis cancellarii nostri dillecti Iohannini de Barbatis, in forma sebsequenti, videlicet: "Illustrissme princeps, minister hospitalis Sancti Ambrosii Mediolany habet certa immobilia in loco et territorio de Pioltello plebis Segrate, ducatus vestri Mediolani, videlicet sedimina, vineas et alia bona immobilia iuris et proprietatis dicti suy hospitalis, que affictata sunt ad fictum simplicem ad annos novem libras centumtredecim et soldos duodecim imperialium in anno; quequidem bona dirrupata sunt et vasta propter guerras et malas conditiones occursas, et indigent multa et maligna reparatione et multis melioramentis, si reduci debent ad consuetum et bonam formam. Ad quidem expensas et melioramenta fatienda dictum hospitale prorsus inpotens et inhabile est ob necessitates sibi ad presens imminentes; repperit vero nuper idem minister Iohanninum de Barbatis, cancellarium dominationis vestre, qui bona conscientia ductus etiam affectans aliquem locum habere, ad quem in casu necessitatis pro sospite sua et suorum se reducere possit, obtulit se dictis bonis investire ad libellum pro fictu libellario omni anno fiendo et prestando dicto hospitali ad computum librarum centum et soldorum duorum imperialium, et dicta bona reparare et ad bonum et optimum statum reducere; quod quidem cedet ad bonum et utile comodum partis utriusque, sed dicitur id fiery non posse, obstante quodam ducaly decreto in efectu disponente res ecclesiarum non posse locary ultra novennium sub pena amissionis rey et tantundem valoris et prout in eo tali decreto latius continentur ad quod relatio habeatur. Verum illustrissime princeps cum predicta, si fiant, cessura sint ad evidentem hutilitatem dicty hospitalis [ 478r] et partes predicte de premissis sint contente, devotissime prelibate dominationi vestre supplicat: parte dictorum ministri et Iohannini quatenus dignetur ipsa vestra dominatio per opportunas dispensare et declarare litteras ex certa scientia et de sue plenitudine potestatis etiam absolute quod dicta talis investitura fieri possit, et facta valeat et teneat dicto tali decreto et contentis in eo nequaquam atentis nec obstantibus cuy et cuiuslibet aliis in contrarium fatientibus. Dignetur vestra dominatio ex certa scientia ut supra per exprssum in hac dumtaxat parte derogare. Et atentis superius narratis nec non considerata informatione per nos de premissis habita et a venerabily dilecto nostro vicario reverendissimi in Christo patris domini Iesus Dey gratia archiopiscopi Mediolanensis per quam evidenter apparet quod si procedatur ad locationem emphiteoticam bonorum, de quibus in dicta supplicatione mentio habetur, talis locatio cedet in evidentem utilitatem dicti hospitalis, concedimus harum serie ex certa scientia et de nostre plenitudine potestatis quod ad huiusmodi locationem emphiteoticam procedi possit et prout requiritur quodque quilibet ydoneus notarius de premissis unum et plura sicut fuerit epediens, conficere valeat instrumenta, testesque et secundi notarii eis interesse valeant. Et hec omnia tute, libere et impune aliquibus statutis decretis aut aliis quibusvis in contrarium fatientibus quibus in quantum premissis obviarunt et certa scientia derogamus et derogatum esse decernimus et volumus. In quorum, et cetera. Mediolani, die xv iunii MCCCCLprimo.
Iohannes.