Registro n. 2 precedente | 40 di 1791 | successivo

40. Francesco Sforza a Pietro Tebaldeschi da Norcia e Rainaldo Testagrossa 1450 agosto 3 Milano

Francesco Sforza dà disposizione circa il trasporto di biade e vettovaglie.

Domino Petro de Nursia, locumtenenti (1), et Raynaldo Testagrosse, capitaneo devetus Alexandrie.
Dilecti nostri, vidimus quas scripsistis litteras spectabilibus de Consilio nostro secreto et propterea vobis respondimus quod licet vel oretenus vel per litteras vobis comisserimus ut non permiteretur et partibus illis trahi aliquam bladorum quantitatem nisi pro hiis bladis extrahendis vobis consignarentur littere facte pro licenciis signate propria manu nostra, tamen, ut faciamus inclitam hanc urbem nostram melius bladis, ut non mediocri tenemur desiderio, abundare et minus dificultatem inveniant homines ad ipsa conducenda, volumus ut, predicta commisione nostra non obstante, permitatur non solum inde trahi, sed, undecumque venerint, transire illac quecumque blada et victualia ad urbem prefatam conducenda, dummodo licenciam habuerint conducentes ab officialibus illis nostris equorum iurisdicione [ 72r] ipsa blada levaverint, cum illa tamen excepcione de qua facit mencionem capitulum iis involutum, quod ideo ad vos mitti iussimus ut ipsum observetis et vos et ius copiam deferri faciatis ad omnes ac singulos officiales nostros precium illarum, qui intelligant etiam ab eis illud observandum esse de nostro mandato. Quos item volumus moneatis nostri parte ut advertant in concedendis licenciis predictis pro extrahendis, uti prefertur bladis omnino observari formam antedicti capituli et a nemine ista de causa pecunias accipere, quod nisi fecerint male eis succederet, et vos similiter ordinetis cum vestris quod nullatenus pecunias extorqueant. Quantum ad blada que conduci voluerint non ad ipsam urbem, sed ad alias districtus nostri partes, volumus hunc modum observetis et moneatis dictos officiales ad ipsum observandum, quod non permittant e partibus illis trahi nisi litteras videritis et viderint ipsi nostras de concessa volentibus conducere dicta blada licencia. Et ut conducere volentes dicta blada intelligant hanc mentem et ordinacionem nostram, volumus quod de huiusmodi continencia litterarum nostrarum faciatis per publicam proclamationem noticiam fieri et rescribatis Consilio nostro secreto prout feceritis. Mediolani, die iii augusti 1450.
Cichus.
Item, quod quilibet de omnibus nostris terris earum territoriis possit conducere et conduci facere ad civitatem nostram Mediolani, excepto de civitate nostra Papie et eius territorio, et ad dictam civitatem nostram Papie, excepto de ipsa nostra civitate Mediolani et eius territorio, bladum et legumina cuiuslibet maneriei impune, solutis tamen daciis et pedagiis ordinatis et servatis ordinibus nostris, videlicet quod conducere volentes dicta blada vel legumina ad ipsas nostras civitates Mediolani vel Papie teneantur et debeant accipere licenciam ab illo officiale sub cuius iurisdicione dictum bladum vel legumina levabuntur. Qui officiales dictam licenciam eisdem facere teneantur absque solucione alicuius pecunie et dictum bladum vel legumina conducere per stratas rectas cum dicta licencia et ipsa consignare, cum fuerint Mediolani vel Papie, potestati (2) vel illi officiali qui ad hoc deputatus erit ac etiam ab ipso potestate vel officiales accipere litteras de consignacione bladi vel leguminum. Que littere eisdem fiant absque solucione alicuius pecunie et que presententur predicto officiali sub cuius iurisdicione, ut premititur, dictum bladum vel legumina levabuntur et qui dictam concesserit licenciam.