Registro n. 2 precedente | 515 di 1791 | successivo

515. Francesco Sforza a Bartolomeo Porro e Donato Vincemali 1450 settembre 25 Milano

Francesco Sforza ordina a Bartolomeo Porro e Donato Vincemali che inducano coloro che hanno promesso denaro e panno a consegnare quanto concesso, perché destinato in aiuto al condottiero Fioravanti da Perugia.

[ 170r] Potestati (1) et referendario Cumarum (2).
Subvenire presencialiter nobis et Camere nostre habent descripti in cedula presentibus inclusa, de quantitibus pecuniarum ad unumquemque eorum inibi annotatis, quid in pecunia et quid in pannis, prout in ipsa cedula distincte et particulariter annotatum est, iuxta factam per eos superioribus diebus promisionem spectabili et nobili Petro Cotte, consiliario, et Christoforo Pagano, Magistro intratarum nostris, cum igitur huiusmodi subvencionem assignaverimus strenuo armorum ductori nostro Floravanto de Perusio, volumus et mandamus quatenus statim, his i, ordinetis et provideatis quod sibi de subvencione ipsa tam pecuniaria quam in pannis pro dicto descriptos omnino satisfiat, prout in cedula predicta continetur, omni exceptione sublata, verum dilligenter adversatis quod in extimacione ipsorum pannorum iustum et debitum precium non excedatur in decepcionem et detrimentum ipsius Floravanti. Ut autem iddem descripti debitam consequi veniant restitucionem dicte subvencionis, prout dignum est et intendimus, contentamur et volumus quod super illis daciis illius nostre civitatis anni proxime futuri, qui ipsi descripti maluerint, sic assignetis pecunias antedictas, sicut et nos per presentes assignamus, atque eisdem de ipsis postea, debitis temporibus, libere responderi faciatis. Mediolani, die xxv septembris 1450.
Iohannes de Ulesis.


(1) Identificato come Bartolomeo Porro (cfr. SANTORO, Gli uffici, p. 238).
(2) Identificato come Donato Vincemali (cfr. SANTORO, Gli uffici, p. 241).