Registro n. 2 precedente | 719 di 1791 | successivo

719. Francesco Sforza al Regolatore e ai Maestri delle entrate 1450 ottobre 19 Milano

Francesco Sforza ordina al Regolatore e ai Maestri delle entrate che si diano a Carlo Gonzaga, capitano generale, 3.500 ducati d'oro ripartiti in varie rate sulle entrate a partire dal 1451.

[ 211v] Regulatori et Magistris intratarum.
Carissimi nostri, extat Camere nostre creditor illustris dilectissimus noster dominus Carolus de Gonzaga, capitaneus noster generalis, de ducatis tribus mille quingentis aureis quos, cum omnino disponamus assequatur, deliberavimus de eis super intratis nostris opportunam assignationem facere ut de ipsis usque modo, si sibi videbitur et opus fuerit, suis in opportunitatibus iuvare se valeat, volumus itaque et vobis mandamus quatenus prefato domino Carolo de eis ipsis ducatis tribusmillequingentis super primis denariis dacii et additionis intrate portarum proximorum septem mensium huius inclite urbis nostre anni proximi venturi mccccl primi in mense iulii de libris tribus mille septingentis triginta tribus et solidis sex imperialibus, videlicet pro tertia parte ad quintam diem eiusdem mensis et reliquis duabus partibus ad diem vigesimam ipsius mensis, item et in mense iulii proxime subsequuturo de aliis libris tribusmille septingentis trigenta tribus et soldis sex imperialium modo et ordine predictis, necnon super eodem datio ulteriorum quinque mensium dicti venturi anni in mense augusti de libris mille ducentis quattragentaquattuor soldis octo et dinaris octo imperialium ad diem quintam eiudem mensis, et de libris duabus mille quattringentis octuagenta octo soldis decem septem et denariis quattuor imperialium in eodem mense ad terminum viginti dierum, que pecunie summam ascendit ipsorum ducatorum trium millium quingentorum, firmam et validam assignationem fatiatis sicut et nos per presentes facimus, et de eis tribus mille quingentis ducatis postea sibi in predicto limitato tempore responderi et satisfieri fatiatis, ita quod integram illiusmodi pecunie quantitatis satisfationem consequatur et omnino habeat quenadmodum disponimus et intendimus, declarantes nostre esse intentionis, quod hec ipsa assignatio illam habeat roboris firmitatem et obtineat et de ea ita agere et disponere possit ipse dominus Carolus prout vigore patentium litterarum nostrarum assignationis per nos eidem facte de ducatis viginti novem millibus ducentis octuaginta aureis potest et eidem licet fieri eximuit, proinde facendo quascumque confessiones et scripturas oportunas, ordine in contrarium existente non obstante nec attento, cui in hac parte duntaxat derogamus, decernentes et quod quicquid pecuniarum in antedictis mensibus iunii, iulii deficere veniet ex suprascripta assignatione id assequi debent et percipere ex pecuniis datii et additionis eiusdem datii in prefato mense augusti post libras octocentum sexdecem prius super dicto datio assignatas. Data Mediolani, die xviiii octobris MCCCCL.
Francischus Sfortia Vicecomes manu propria.
Cichus.