Registro n. 2 precedente | 832 di 1791 | successivo
832. Francesco Sforza a Tommaso Tebaldi da Bologna, Bartolomeo Porro, Donato Vincemali e ai presidenti di Como 1450 novembre 15 Milano
Francesco Sforza ordina a Tommaso Tebaldi da Bologna, Bartolomeo Porro e Donato Vincemali, rispettivamente commissario, podestą e referendario di Como, e ai presidenti della stessa cittą di imporre un'addizionale sui dazi delle porte e dell'imbottato, ma non sui dazi delle biade e del vino al minuto, in modo da poter risarcire coloro che hanno dato a mutuo 5500 fiorini.
[
237r]
Commissario (1), potestati (2) et referendario nostris Cumarum (3) nec non presidentibus negociis civitatis ibi.
Ut magnifici cives illi nostri qui, per fiendam illic compartitionem iuxta datum superinde ordinem quemadmodum ex litteris tui commissarii modo advisati sumus, presentialiter Camere nostre mutuo subvenire habent de florenis quinque milibus quingentis, loco conventionis alias per agentes nomine illius nostre comunitatis cum prefata Camera nostra habite, mutuandarum per eos pecuniarum debitam cum integritate satisfationem assequantur, ut nostre firme est dispositionis, et animadvertentes nullum impresentiarum aptiorem modum adesse fiende sibi eiusmodi restitutionis quam per dandam additionem datiis illius nostre civitatis in anno proxime venturo ad quam comunitas ipsa acquiescere videtur, contentamur et ita per presentes opportunam vobis licentiam concedimus quatenus antedictam additionem, de qua vobis melius et pro minori intratarum nostrarum detrimento expedire videbitur super datiis ibi et maxime super datio intrate portarum seu imbottati, in ipso futuro anno facere valeatis, reservatis dumtaxat datiis bladi lacus et vini de minuto, super quibus illiusmodi additionem fieri debere non intendimus aliqualiter, et postea exigendas ex ea pecunias in satisfationem antedictorum civium converti, videlicet uniuscuiusque pro mutuata per eum portione, usque dumtaxat ad ipsorum quinque milium quingentorum florenorurn quantitatem; sed talem in ipsa fienda adhibeatis diligentiam simul et advertentiam, quod super illis tantumodo datiis ea fiat ex quibus eo minorem Camera ipsa nostra patiatur iacturam quo possibile fuerit, declarantes et decernentes intentionis nostre omnino esse ut ii omnes ex memoratis civibus, qui priores in fienda eiusmodi subventione extiterint, debeant prius pro eorum parte integram satisfationem consequi; et sic vos omnes, reiecta prorsus quacumque difficultate, observetis et exequamini, ac observari et executioni demandari omino faciatis, approbantes et confirmantes ex nunc quicquid in premissis feceritis, servato tamen ordine antedicto. Mediolani, die xv novembris 1450.
Iohannes Petrus.
Christoforus.
Cichus.
(1) Identificato come Tommaso Tebaldi da Bologna (cfr. SANTORO, Gli uffici, p. 241).
(2) Identificato come Bartolomeo Porro (cfr. SANTORO, Gli uffici, p. 238).
(3) Identificato come Donato Vincemali (cfr. SANTORO, Gli uffici, p. 241).