Registro n. 3 precedente | 319 di 801 | successivo

319. Francesco Sforza ai Maestri delle entrate 1450 novembre 15 Milano

Francesco Sforza dispone che i Maestri delle entrate facciano l'assegnazione di 1000 ducati al conte Filippo Borromeo, che ha liberalmente sovvenzionato il duca di 2000 ducati. L'assegnazione ducale verrà ripartita ratealmente su varie entrate di dazi.

Magistris intractarum.
Non est propter opinionem nostram fidelis ac devotus nobis et ad beneficia nostra promptus et liberalis spectabilis comes dominus Filippus Bonromeus, dilectus noster, quoniam sic eum fore credimus semper et illum in opportunitatibus nostris sempre invenimus, quemadmodum igitur ipse perseverat et in dies ad beneplacita nostra promptiorem se prebet, ita et nos, morem vestrum sequentes, illum beneficia et liberalitate nostra persequi deliberavimus. Subvenit siquidem nobis ipse comes dominus Filippus de ducatis duobusmille liberaliter, quemadmodum per alias intelexistis. Nos etiam eum liberalitate nostra ampleti, ut supra, volentes, non ulla convencione vel pacto proinde nec secum habito, sed sponte et ex animo ac etiam pro observancia promissionum alias per nos sibi factarum, etiam ne sue erga nos bone disposicionis suorumque etiam in nos beneficiorum aut immemores aut ingrati fuerimus, volumus restitui sibi ducatos mille auri et in auro de et super creditis que habebat cum nostra comunitate Mediolani. Commitimus igitur vobis et volumus quatenus eidem domino comiti Filippo assignacionem faciatis quam et nos per presentes facimus super daciis et intractis infrascriptis civitatis nostre Cumarum anni proxime futuri MCCCCLI, videlicet: super dacio pedagii merchancie mensium maii et iunii librarum mille ducentum; item super daciis bladi et mensurature mensium suprascriptorum librarum mille ducentum et super daciis carnium et tabernarum mensium suprascriptorum librarum octocentum imperialium, que faciunt summam ducatorum mille, post assignationem suprascriptorum ducatorum duorum mille superinde sibi factam. Et his non supplentibus, ei satisfiat in mensibus proximis sequentibus [ 67v] ex primis denariis ex dictis daciis proventuris, faciendo proinde fieri quaslibet bulletas, intractas, confessiones et confessionum retractiones, portas ac alias scripturas opportunas ita et per modum quod ipse comes dominus Filippus se iuvare possit pro sue libito voluntatis de dictis denariis, concedentes et amplam licentiam dantes quibuscumque futuris daciariis suprascriptorum daciorum ac texaurario nostro dicte civitatis Cumarum (1), quatenus memorato comiti domino Filippo solutiones facere possint de dictis denariis vel cui ipse comes ordinaverit, etiam ante tempora limitata, aliquibus ordinibus sive decretis in contrarium disponentibus nequaquam attentis quibus in hac parte tamen ex certa scientia derogamus, per modum quod integram satisfactionem consegui veniat, uti dictum est. Data Mediolani, xv novembris MCCCCL.
Franciscusfortia Vicecomes manu propria subscripsit.
Cichus.