Registro n. 3 precedente | 325 di 801 | successivo

325. Francesco Sforza ai Maestri delle entrate 1450 novembre 22 Milano

Francesco Sforza vuole che i Maestri delle entrate restituiscano al conte Filippo Borromeo 2000 ducati d'oro tratti dalle entrate dei dazi della città di Como nei mesi di gennaio, febbraio, marzo e aprile. Qualora non fossero sufficienti a realizzare la somma da restituire, si attinga alle entrate dei mesi successivi.

Magistris intractarum.
Subvenit nobis tam prompte quam liberaliter spectabilis dilectus noster comes dominus Filippus Bonromeus de ducatis auri et in auro duobusmille, quos sibi restitui volumus ex et super infrascriptis intractis et daciis civitatis nostre Cumarum anni proxime venturi MCCCCLI, videlicet: super dacio pedagii merchantie mensium ianuarii, februarii, marcii et aprilis ipsius anni, libras duasmillequatercentum et super daciis carnium et tabernarum mensium suprascriptorum libras millesexcentum imperialium, que omnes faciunt summam dictorum duorummille ducatorum. Commitimus igitur vobis et volumus quatenus de dictis ducatis duobusmille assignacionem faciatis eidem comiti domino Filippo super dictis daciis et intractis modo et ordine quibus supra, [ 69v] quam et nos per presentes facimus, nec minus ordinetis quod ex primis denariis proventuris ex dictis daciis, ut supra, sibi ulla absque exceptione respondeatis. Et ubi aliquo respectu defficere contingerit quominus prefactus comes dominus Filippus dictos ducatos duosmille consequi posset, ordinetis quod ex primis denariis aliorum mensium proxime sequtorum ex ipsimet daciis proventuris illi integre satisfiat, faciendo proinde fieri quaslibet intractas, confessiones et alias scripturas opportunas, ita et per modum quod ipse comes dominus Filippus se iuvare possit de dictis denariis pro libito voluntatis sue, concedentes et amplam licentiam dantes quibusconque futuris daciariis suprascriptorum daciorum ac texaurario nostro dicte civitatis Cumarum (1) quatenus memorato domino comiti Filippo soluptiones facere possint de dictis denariis vel cui ipse comes ordinaverit, etiam ante tempora limitata, aliquibus ordinibus sive decretis quomodlibet in contrarium disponentibus nequaque attentis, quibus in hac parte ex certa scientia derogamus, per modum quod integram satisfactionem consequi veniat, uti dictum est. Data Mediolani, die xxii novembris MCCCCL.
Franciscusfortia Vicecomes manu propria subscripsit.
Cichus.