Registro n. 3 precedente | 449 di 801 | successivo

449. Francesco Sforza al Regolatore delle entrate e ai Maestri delle entrate 1450 novembre 30 Milano

Francesco Sforza informa il Regolatore e i Maestri delle entrate della sua determinazione di mutare dal giorno di Sant'Ambrogio le divise dei servitori, dei custodi della corte e del comune destinando 1000 lire sull'assegnazione di 260 lire fatta a Cristoforo de Connenzate. Per avere le diverse quantità di denaro occorrenti il duca concede si attinga alle entrate del sale di Vigevano. Per altre assegnazioni di lire 2700 ci si avvale anche delle entrate dei dazi del pane, del vino e delle carni della pieve di Gallarate.

Regulatori et Magistris intratarum.
Ut consuetudinem illustrissimorum condam dominorum predecessorum nostrorum observemus, deliberamus ad hoc proximum festum beatissimi protectoris nostri Sancti Ambrosii indui facere servitores et hostiarios curie nostre ac comunis nostri Mediolani. Proindeque recuperari fecimus per Christoforum de Connenzate, dilectum civem nostrum mediolanensem, usque ad sommam librarum duarummille sexcentum imperialium draporum lane, videlicet pro servitoribus et hostiariis valutam librarum mille vel circha, et reliquas libras ii milia de satisfacione assignamus per presentes ipsi Christoforo et ita per vos assignari volumus et mandamus libras mille imperialium super quibus cum que denariis salis, tam venditi quam vendendi, ad postam terre nostre Viglevani in anno presenti et, hiis non supplentibus, super primis denariis vendendi ad dictam postam in anno proxime futuro 1451. Quos quidem denarios salis usque ad predictam quantitatem librarum mille disponimus quod ipse Christoforus omnino et libere asequatur ac omni exceptione remota et non obstantibus aliquibus assignacionibus, que allegari possent aut facte aliis dicerentur, quibus in hac parte ex certa sciencia derogamus et derogatum esse volumus. Assignamusque similiter eidem Christoforo super [ 92v] datio panis, vini et carnium plebis Gallarate proxime futuri anni predicti libras mclxx imperialium, videlicet incipiendo in mense aprilis, ad computum librarum cxxx et sic mensuatim, usque per totum mensem decembris inde secuturum ad predictum computum librarum cxxx quolibet mense, ac reliquas libras ccccxxx, que complere veniunt suprascriptam summam librarum duarum millium setcentum, videlicet 1700, super quibuscumque daciis panis, vini et carnium eius plebis, vel earum plebium seu locorum, de quibus ipsi Christoforo videbitur, cui superinde eligendi facultatem concedimus ad eius libitum usque ad ipsam summam librarum ccccxxx retrahendarum in mensibus aprilis, maii, iunii, iulii et augusti superscripti anni proxime futuri, videlicet singulo mense pro rata. Iniungentes propterea vobis quatenus pro huiusmodi assignacione ordinari et fieri faciatis, ad omnem ipsius Christofori requisicionem quaslibet scripturas opportunas et etiam necessarias, proinde ex nunc confessiones levari et expediri, licet ante tempus sit, aliquo in contrarium ordine non ostante. Ita quod de soluptione bene cautus et certus reddatur, faciatisque de pecuniis antedictis ad prefixos terminos sibi cum integritate responderi, decernentes et declarates quod, ubi casu aliquo asequi non posset soluptionem suam ex predictis assignacionibus, debeat sibi per Cameram nostram aliunde provideri et satisfieri in eisdem terminis, quibus verisimiliter curere deberent denarii superius assignati, ita ut de nobis bene contentus remanere habeat, prout firme nostre intencionis est. Data Mediolani, die ultimo novembris MCCCCL.
Antonius.
Iohannes.
Matheus.
Cichus.