Registro n. 3 precedente | 669 di 801 | successivo

669. Francesco Sforza al signore di Orguel 1451 gennaio 24 Lodi

Francesco Sforza chiede al signore di Orguel di liberare Agostino da Montaldo, cittadino genovese, preso dalla sua gente e lo lasci andare da lui.

[ 139r] Illustri domino tamquam fratri nostro carissimo domino de Orguel, et cetera.
Certi reddimur quod non preterit dominationi vestre quomodo sumus cum illustri domino duce et magnifica comunitate Ianue. Hinc est quod nuper intelleximus dominum Augustinum de Montaldis, civem Ianuensem, a gentibus vestris interceptum fuisse et in manus vestras devenisse. Et licet quod pro eo tanquam cive Ianuensi scribere possumus, tamen tanquam privato et singulari amico ac nobis benevolentissimo statuique nostro plurimum affectissimo moti scribimus; hortamur itaque ac singulariter dominationem vestram rogamus quatenus eundem dominum Augustinum libere relaxari fatiat et ad nos transmittat, denotantes vobis quod quicquid humanitatis et gratitudinis erga eum feceritis id ipsum in nostram propriam personam collatum actumque putabimus et asscribemus. Laude, die xxiiii ianuarii 1451.
Cichus.