Registro n. 3 precedente | 753 di 801 | successivo

753. Richieste degli ambasciatori piacentini a Francesco Sforza sine data [1451 febbraio] sine loco

Giacomo da Rivalta e Antonio Bonforno, ambasciatori di Piacenza, chiedono: che il sale si venda a soldi uno e mezzo pro quolibet stupello et ad mensuram e non a peso, mentre ultimamente il referendario lo faceva vendere a peso, cioè, a lire quattro pro stupello. Si risponde che il referendario faccia come crede a vantaggio dei cittadini e senza danno per la Camera ducale; che l'officio di notaio si dia per brevia e non all'incanto. Si risponde d'accordo; che per l'introito del dazio alle porte della città il daziere versi alla comunità cittadina lire 50. Si risponde che il referendario osservi quanto praticato con Filippo Maria Visconti; che non si paghino ai gabellieri delle porte cittadine per ogni carro di vino 16 soldi, ma solo 12. Si dispone che vi provveda il referendario, perché è compito del suo officio.

Illustrissime et excellentissime dominationi vestre.
Humiliter supplicant Iacobus de Ripalta et Antonius Bonfornus, concives et oratores vestre communitatis Placentie, parte eiusdem, quod, cum ex forma capitulorun eidem communitati per dominationem vestram concessorum sal vendi non debeant nisi ad rationem soldi unius cum dimidio pro quolibet stupello et ad mensuram et non ad pondus, et nuperrime dominus referendarius vendi faciat ad rationem soldorum duorum per quolibet stupello et ad pondus, videlicet ad rationem librarum quattuor pro stupello, quod est contra formam dati et litterarum alias de anno proxime preterito superinde emanatarum, dignetur eadem vestra dominatio mandare dicto domino referendario quatenus dictum sal vendere faciat iuxta dictorum capitulorum continentiam et ad mensuram et non ad pondus.
Responsio domini: referendarius provideat prout sibi melius videbitur pro utilitate et comodo civium Placentie absque detrimento Camere ducalis.
Item quod cum in dictis capitulis adsit capitulum tenoris huismodi, videlicet: item quod officia notariorum dentur ad brevia iuxta formam statuti communis Placentie, et nunquam incantentur nec incantari debeant, in fine cuius adest scripta talis: respondio, videlicet contentamur, dignetur eadem dominatio vestra mandare dicto domino referendario quatenus predictum capitulum, prout iacet, ad litteram servet et inviolabiliter [ 162v] faciat observari, omnem novitatem superinde attentatam revocando. Responsio: referendarius servari faciat consuetum et capitulum per dominum concessum.
Item quod, cum ex forma dati datii introytus portarum dicte civitatis in effectu contineatur quod datiarius dicti datii teneatur singulo mense solvere eidem communitati libras quinquaginta Placentie ex pretio incantus dicti datii, dignetur eadem dominatio vestra mandare dicto domino referendario quatenus de premissis libris quinquaginta Placentie singulo mense responderi faciat eidem communitati, iuxta dicti capituli formam. Responsio: referendarius provideat et iusfaciat, absque detrimento ducalis Camere; et si compertum habuerit quod, tempore illustrissimi domini bone memorie ducis preteriti, ipsa communitas perceperit ipsas libras quinquaginta, consuetum servari faciat et concedat quod petitur.
Item quod ex forma secundi dati dicti datii introytus portarum pro quolibet carro vini, quod conducitur in civitatem et burgos ipsius civitatis Placentie, non debeat solvi gabellatoribus dicti datii nisi ad rationem soldorum duodecim, et ipsi gabellatores exigant, contra tamen formam dicti datii, ad rationem soldorum sexdecim pro quolibet carro dicti vini, quod cedit in maxinum preiudicium populi dicte civitatis, et maxime pauperum, dignetur eadem dominatio vestra mandare dicto domino referendario quatenus non permittat exigi pro dicto vino nisi ad rationem soldorum duodecim pro quolibet carro, iuxta ipsius datii continentiam. Responsio: referendarius ius faciat, quia sui officii est in similibus providere.