Registro n. 4 precedente | 102 di 1893 | successivo

102. Francesco Sforza a Niccol V e al cardinale di Benevento [Astorgio Agnesi] 1451 gennaio 21 Lodi

Francesco Sforza supplica il papa di promuovere a vescovo titolare Benedetto de Dovaria, assecondando il desiderio dei cittadini parmensi.

[ 39v] Sanctissimo domino nostro pape.
Honestissimum semper iudicavi non solum re sed et precibus cuilibet, et maxime benemeritis, suffragari. Hanc ob rem, cum fideles et dilecti mei plurimi cives parmenses, devotissimi siquidem sanctitatis vestre, magnopere desiderent fratrem Benedictum de Dovaria, ordinis Minorum, nobilem quidam genere sed virtutibus clariorem, in episcopum titularem promoveri, ut liberius posset eorum reverendo episcopo suffragari atque in illorum civitate fructuosius et decentius conversari. Illorum precibus et dicti religiosi meritis provocatus, hiis presentibus litteris sanctitatem vestram duxi summopere deprecandum dignetur dictum gradum prenominato concedere, in quo civibus meis et michi gratiam singularem vestra sanctitudo prestabit. Cui me devote atque perpetuo recommendo. Laude, xxi ianuarii 1451.
Cichus.
In simili continentia, in recommendacionem suprascripti fratris Benedicti, scriptum fuit domino cardinali Beniventano (1). Data ut supra.
Cichus.