Registro n. 4 precedente | 1559 di 1893 | successivo

1559. Francesco Sforza al podestà di Parma 1451 agosto 25 Vigevano

Francesco Sforza scrive al podestà di Parma perché costringa quelli di Camero a ridare a Nicola di Musso i denari, da lui sborsati a Genova a loro nome, o le merci promesse.

[ 302r*] Potestati Novarie.
Attenta supplicacionis presentibus involute continentia nobis exhibite per Nicolaum de Musso, civem Savonensem, et indignum putantes et ab omni equitate et iusticia alienum, si is Nicolaus, nomine nominatorum in supplicacione Martini et Iohannis Antonii, affinium de Camero expresas pecuniarum quantitates in civitate Ianue exbursaverit et numeraverit et de eorum de Camero voluntate ad eas consequendas vel tantum merchantie, sicuti fuisse sibi pollicitum, affirmat debeatque per litigia et strages deduci, scribimus tibi (a) et committimus (a) si ita fore constiterit, uti in supplicatione narratur, compellas predictos de Camero et unumquemque ipsorum ad sibi exponenti per queque iuris remedia opportuna pecunias suas integre restituentes vel promissas merces sive mercantias cum omnibus expensis exinde per dictum Nicolaum legiptime factis procedendo in premissis summarie, simpliciter et de plano, sine strepitu et figura iudicii, cavilacionibus et frivolis exceptionibus quibuscumque inde remotis, facti veritate comperta. Et ita quidem quod idem Nicolaus amplius ad nos cum querimonia ipsa occasione venire non habeat nec litigiorum expensis et laboribus gravari. Data Viglevani, xxv augusti 1451.
Cichus.