Registro n. 4 precedente | 219 di 1893 | successivo

219. Giacomo da Rivalta e Antonio Bongiorno a Francesco Sforza sine data [1451 febbraio] sine loco

Presentazione a Francesco Sforza dello statuto di Piacenza, fatto dal Consiglio generale della città, da parte dai due oratori Giacomo da Rivalta e Antonio Bongiorno. Si stabilisce che venga compiuto il lavoro di costruzione delle mura cittadine, per la cui esecuzione sono destinate le entrate ordinarie locali con divieto di altre destinazioni (tranne per alcuni precisati interventi) senza l'autorizzazione scritta del duca o del Consiglio generale cittadino. Si lascia poi spazio a diverse disposizioni.

(a) Illustri et excellenti dominationi vestre.
Humiliter supplicantur Iacobus de Ripalta et Antonius Boniornus, concives et oratores vestre fidelissime civitatis Placentie, quod, cum hoc anno per Consilium generale dicte civitatis, inter alios ordines in ipso Consilio factos, compilatum fuerit statutum tenoris huiusmodi, videlicet:
item ad opus notabilissimum et perfectissimum fabrice murorum civitatis Placentie inceptum perficiendum, quod in maximam utilitatem maximumque honorem status nostri illustrissimi domini et comunitatis predicte, nedum in vita nostra, sed et descendentium nostrorum redundabit, prefatum Consilium statuit et ordinavit quod nobiles viri Antonius de Rizolo et Bartholomeus de Columbo, concives Placentie, alias electi et deputati presides et officiales (b) ad dictam fabricam perficiendam, et quod etiam de presenti prefatum Consilium confirmat et de novo eligit cum salario consueto in presides et officiales dicte fabrice predicti operis perficiendi, procedant et sequantur ad ipsum opus porficiendum, iuxta formam provisionum et ordinum circa premissa alias compilatorum et ordinatorum, et quod omnes et singule intrate ordinarie dicte comunitatis expendi debeant per ipsos presides et non alios, solummodo in usum fabrice predicte et non in alium usum, absque specialibus litteris prelibati domini signatis eius propria manu vel consensu Consilii generalis dicte civitatis, detractis pecuniis necessariis pro personis habere debentibus eorum salaria mensualia ex ipsis intratis, et etiam denariis datii unius denarii pro libra carnium [ 63v] cum scannatura anni presentis, quos prefatum Consilium assignavit debere expendi ad usus necessarios pro peste et morbo pestifero, quantum sit possibile evitandis, secundum quod et prout per dominos Ancianos ordinabitur, et non ad aliquos alios usus necnon denariis datii comunis, quos assignavit in usus reparationis palatii magni et domorum comunis ac oratorum iturorum ad excellentiam prelibati domini prout dominis Ancianis una cum totidem adiunctis videbitur fore opportunum.
Item quod cum per Ancianos et presidentes dicte civitatis una cum quam pluribus adiunctis ordinatum fuerit capitulum tenoris huiusmodi videlicet:
item quod omnes illi qui administrarunt et expendiderunt ac in futurum administrabunt et expendent quacunque via intentus comunitatis Placentie, sindicentur et sindicari debeant ac sindicatui subiaceant.
Item quod cum civitas ipsa Placentie elegerit in officialem super provisionibus necessariis fiendis pro peste evitanda nobilium virorum Iohannem de Prinolis, officialem bullectarum, pro prelibata dominatione vestra in dicta vestra civitate Placentie cum salario florenorum quinque singulo mense, ad quod officium nuper electus fuerat Luchinus de Populo, olim cancellarius quondam Iohannis de Torchio, cum salario florenorum duodecim in mense et cum onere etiam sibi dandi unum notarium salariatum expensis dicte comunitatis, quod redundaret in maximum damnum et preiudicium ipsius comunitatis.
Dignetur prelibata dominatio vestra predicta duo statuta seu capitula litteris opportunis confirmare et convalidare ad mandata contenta in eis observari debere, inhibendo et precipiendo dominis potestati (1), referendario et Ancianis et presidentibus dicte comunitatis quatenus nulla faciant vel fieri permictant bullectas vel provisiones de predictis intratis ordinariis nisi ad usus de quibus et prout in ipso statuto continetur, sub pena solvendi de eorum proprio here (c), et quod habere pretendentes a dicta comunitate differre debeant ad eorum asserta credita petendum et consequendum a dicta comunitate usque ad biennium proxime futurum aliquibus litteris eis concessis non attentis.
Item et confirmare dictum Iohannem de Prinolis officialem predictum ad dictum officium ad quod fuit electus ut supra, cum dicto salario florenorum quinque mensuatim et revocare ab huismodi officio dictum Luchinum de Populo.


(a) Lettera allegata all'originale della missiva n. 218.
(b) Segue dicte fabrice predicti operis perficiendi procedant et sequantur ad ipsum opus depennato.
(c) Così in A.

(1) Non identificato (la carica è segnalata da SANTORO, Gli uffici, p. 489, ma dal 1451 agosto 1).
(2) Identificato come Nicol de Calcaneis (cfr. SANTORO, Gli uffici, p. 491).