Registro n. 4 precedente | 56 di 1893 | successivo

56. Francesco Sforza al luogotenente, al podestà [Alberto Marliani] e al referendario [Giovani Ceno da Varese] di Cremona 1451 gennaio 5 Milano

Francesco Sforza ordina al luogotenente, al podestà e al referendario di Cremona la vendita del sale al prezzo di tre lire allo staio per una uniformità del prezzo di vendita del sale.

Locumtenenti, potestati (1) et referendario Cremone (2).
Certissimi reddimur quod comunitas et cives ac districtuales omnes illius civitatis nostre quemadmodum, pro singulari in nos fide sua stabilimentum et augumentum status nostri, ita etiam intratarum nostrarum conservacionem et amplitudinem, et desiderant et habituri sunt gratissimam, nosque eo libencius et attencius circa conservacionem eiusmodi intratarum nostrarum cogitationem et remedia sumus adhibituri ut per earum viam possumus supplere oneribus et expensis, que nobis incumbunt, absque ullis gravaminibus extraordinariis nostris subditis imponendis et satis novimus quod supplentibus intratis nostris providebimus salubriter rebus nostris et, Deo dante, sequetur ipsorum subditorum nostrorum [ 26r] requies firmissima. Cum itaque ad conservandam intratam nostram salis dominii nostri, que certe omnibus aliis et natabilior et cercior existit, plurimum convenire dignoscamus ut in omnibus civitatibus et terris nostris unum et idem precium sit venditionis salis nam equidem alibi maiori alibi vero minore pretio vendatur, que quidem varietas veluti quandam confusionem parit, volumus quod vocatis presidentibus ad negocia comunitatis, ibi comunicetis cum eis ac participetis de precio salis, ita ibidem sicut in civitate hac ita ibidem et reliquis nostris ad libras tres imperialium augendo pro quolibet stario librarum vigintiquatuor. In qua re speramus presidentes ac comunitatem et cives ipsos huic voluntati nostre se conformantes utque ita faciant eos nostri parte hortemur et requiratis, providendo de hinc opportune circa vendicionem eiusmodi salis de cetero ad dictum computum librarum trium pro stario, per modum quod amodo commoditatem hanc percipere veniamus prout in aliis civitatibus et terris nostris ordinatum est, ubi sal minore pretio vendebatur. Nec certe molesta debet esse ista provisio, que tam notabile benefitium et aumentum nobis allatura est et in toto dominio nostro locum et effectum habitura. Mediolani, 5 ianuarii 1451.
Cichus.
Antonius.
Iohannes.
Christoforus.
Similiter pro Placencia, faciendo mencionem de froxacionibus que fiunt, existente minore precio ibi quam alibi, videlicet ad computum denariorum sex pro singula libra.
Similiter pro Novaria et etiam pro Burgo Sancti Donnini.