Registro n. 4 precedente | 773 di 1893 | successivo

773. Francesco Sforza a Niccolò V e al cardinale Beneventano 1451 maggio 18 Milano

Francesco Sforza chiede al papa Niccolò V che il fratello Filippo possa ottenere la dispensa per potere divina [...] officia celebrare et exercere.

Sanctissimo Domino nostro Pape.
Quo facilius venerabilis dilectus meus frater de Neapoli anime sue saluti consulere posset, divino quodam instinctu impulsus, instituit ordini minorum inservire, iamque humili devotione ipsius ordinis habitum assumpsit. Verum quia temporibus preteritis in re militari se gessit et in ea Deo ipsi et sancte matri ecclesie nonnulla horrenda commissit, ob idque religio ipsa non paciatur eundem absque beatitudinis vestre dispensatione et benedictione divina officia celebrare, ad pedes beatitudinis vestre se presentialiter confert, dispensationem ipsam et benedictionem impetrandi gratia. Qua de re beatitudinem vestram suppliciter rogo ut dignetur ipsius requisitionibus annuere et per opportunas bullas concedere et dispensare prefatum fratrem Filippum divina ipsa officia celebrare et exercere posse. Id enim in singularem (a) a beatitudine vestra munus accipiam, ad cuius pedes humiliter me commendo. Data Mediolani, die xviii maii 1451.
In simili forma reverendissimo domino cardinali B. mutatis mutandis.