Registro n. 6 precedente | 678 di 1271 | successivo

678. Francesco Sforza al referendario di Cremona 1451 settembre 10 Lodi

Francesco Sforza ordina al referendario di Cremona perché Zambonino de Carenzonibus saldi il debito contratto per l'incanto dell'acqua del naviglio di Cremona con la dazione della casa e del pezzo di orto in pagamento alla Camera ducale fino a coprire il debito contratto. Non accettandolo, il referendario si rifaccia sui fideiussori.

Referendario Cremone.
Cum alias Zamboninus de Carenzonibus, civis noster Cremone, incantaverit datium aque Navilii nostri Cremone ex quo datio Camere nostre debitor est de libris millequingentis et soldis decem novem imperialium, propter quod debitum informati sumus per Antonium de Minutis, olim referendarium nostrum seu vices gerentem referendarii et iudicis et officialis gabelle et datiorum civitatis nostre Cremone, apprehendisse tenutam et possessionem unius domus in civitate nostra predicta et cuiusdam orti seu petie terre dicti Zambonini pro satisfatione debiti smemorati, que quidem domus et petia terre extimate fuerunt per extimatores electos tunc de voluntate predicti referendarii seu vices gerentis nomine Camere nostre et de voluntate tunc procuratoris Zambonini predicti nomine ipsius predicti Zambonini; et intelleximus quod [ 157r] non reperitur nec apparet de datione in solutum facta de dicta domo et petia terre dicte Camere nostre, prout de iure requiritur; itaque dicte domus et petie terre plenum dominum in nos et seu Cammeram nostram dingnoscatur esse translatum usque ad debitam et concurrentem quantitatem debiti predicti, ut igitur ex in solutum datione dicte domus et petie terre nobis satisfiat. Ita quod de eis, pro ut de rebus nostris, disponere valeamus aut ut aliter nobis aut Camere nostre de debito memorato per exbursationem pecunie quod nobis magis erit, integraliter satisfiat, mandamus tibi et volumus quatenus omni meliori modo (a) et celeriory quo poteritis, orteris dictum Zamboninum ut datium insolutum sollemniter prout de iure requiritur, Camere nostre de dictis domo et petia terre usque ad quantitatem summe predicte facere velit; et casu quo facere recusaverit, contra ipsum procedas realiter et personaliter nec non et contra fideiussores per eum prestitos pro datio memorato et quenlibet eorum in solidum ita et taliter quod nobis, seu Camere nostre, integraliter et presto satisfiat, mandantes etiam tibi quod si dicti fideiussores vel aliquis eorum per te fuerit ad solutionem dictorum denariorum realiter coactus et effectualiter solverit ad omnimodam eorum fideiussorum, seu illius qui solverit requisitionem, compellas dictum Zamboninum realiter et personaliter et omnibus iuris remediis ad satisfatiendum ipsis fideiussoribus solventi bus, seu aliter solventi, et eo modo et forma quibus pro satisfationem Camere nostre facere posses. Ex Laude, x septembris MCCCCLI.
Cichus.


(a) Segue via depennato.