Registro n. 8 precedente | 506 di 1171 | successivo

506. Francesco Sforza a Matteo Marchesi 1452 gennaio 20 Lodi

Francesco Sforza aderisce alla richiesta del prete Matteo Marchesi, arciprete della chiesa dei Santi Cornelio e Cipriani di Travaloco della campagna di Pavia, di poter godere delle procedure degli statuti di Pavia per le vertenze che dovesse avere con i laici sia per sè che per ragioni dell'arcipresbiterato e dei benefici ecclesiastici, ovviando in tal modo alla disposizione statutaria che impone sia riservata agli ecclesiastici che adiscono il foro secolare la stessa procedura riservata ai laici nel foro ecclesiastico.

[ 91r] Dux Mediolani, et cetera, Papie Anglerieque comes ac Cremone dominus, recepta supplicatione huiusmodi tenoris, videlicet sublimitati vestre dux inclite pro parte vestri fidelissimi servitoris presbyteri Mathei de Marchisiis, archipresbiteri ecclesie Sanctorum Cornelii et Cipriani loci Travalocii, Campanee civitatis Papie, humiliter supplicatur quatenus, cum ipse, tam suo nomine quam nomine dicti archipresbiteratus sui aliorumque beneficiorum ecclesiasticorum, que ipse obtinet, habeat movere questiones et controversias contra quosdam laycos et coram iudicibus laycis et timeat ne, taliter agendo, obiciatur sibi eum non posse uti statutis et ordinibus civitatis vestre Papie, presertim obstante quodam statuto ipsius civitatis, disponente clericis reddi debere in foro seculari tale ius quale laycis redditur in foro ecclesiastico et, per consequens, ducatur per longullas et anfractus iudiciorum multum dispendiosos evitandos, propter quos quis sepenumero sua iura indefensa relinquit necessario, et sic saltim dubitat ne iura sua in longum protrahantur, dignetur dominatio vestra, etiam de gratia spetiali per patentes litteras opportunas eidem supplicanti concedere et dispensare quod, in quibuscumque causis, tam motis quam movendis per eum seu nomine suo et beneficiorum suorum ecclesiasticorum contra quascumque personas laycas, uti et gaudere possit beneficio statutorum et ordinum dicte vestre civitatis, tam in decisivis quam in ordinativis ac tendentibus ad ordinem iudiciorum, non obstantibus aliquibus iuribus tam comunibus quam municipalibus et, maxime, statuto predicto, super quibus dignemini hoc loco, ex certa scientia et de potestatis vestre plenitudine, derogare talem in modum quod vestra concessio iuxta supplicata sortiatur effectum, et ipsi supplicanti dictis nominibus prosit nunc et in posterum. Dominationem vestram conservare et augere dignetur altissimis feliciter et longeve. Quare consideratis premissis, dictoque exponenti volentes in requisitis spetialiter complacere, decernimus harum serie et declaramus quod supplicans in quibuscunque causis suis, [ 91v] quas habet vel illum habere contingit in futurum, uti possit statutis, decretis, consuetudinibus, provixionibus et ordinamentis in ordinativis et preparatoriis causarum, cum non aliter ac si foret mere laycus et iurisdictioni potestatis nostri et aliorum nostrorum officialium et iusdicentium Papie omnino suppositus; ita tamen quod predictus supplicans se proinformiter subiciat iisdemet statutis, decretis, legibus, consuetudinibus, provixionibus et ordinamentis sub iusdicentibus secularibus, quibus illum uti velle ut supra continget, mandantes proinde universis et singulis iusdicentibus et offitialibus nostris presentibus et venturis, ad quos spectat et spectabit, quatenus ad omnem prememorati supplicantis requisitum contra quibuscunque laycos et seculares in ordinativis et preparatoriis causarum tamen vestris ius ministretur. In quorum testium, et cetera. Data Laude, xx ianuarii 1452.