Registro n. 8 precedente | 891 di 1171 | successivo

891. I Maestri delle entrate a Francesco Sforza 1452 febbraio 3 Milano

I Maestri delle entrate rispondono all'interpello del duca che la vertenza a Camere vestra originem traxit e che nella sentenza (appellata da entrambe le parti) vi sono alcune cose che possono preiuditium afferret alla Camera ducale.

Illustrissime princeps et excellentissime domine domine noster colendissime, recepimus iamdudum, qua cum decuit reverentia, litteras dominationis vestre effectualiter continentes quod sententiam per dominos Steffanum de Fazardis, Iacobum de Puteo et Georgium de Tortis, alias latam inter heredes condam Guidacini de Binascho, parte una, et dominum Matheum et fratres de Anfosis, ex alia, diligenter examinaremus et deinde, habito colloquio cum prefato domino Iacobo, ac re ipsa maturius intelecta, dominationem vestram de apparere nostro certiorem faceremus quidnam agendum esset circa contenta in ipsa sententia, et prout eisdem in litteris continetur, pro quarum exequtione memoratum dominum Iacobum ad nos in monasterio Carevallis, tunc consistentes, vocavimus, cumque per nostras litteras fecimus avisatum de iis que in ea materia dubiis habebamus. Qui quidem ad nos veniens ruditer tunc non bene omnia in memoria habere que causam suprascriptam concernebant, sed brevi de omnibus illis nos redderet per eius litteras avisatos. Is autem suis litteris, elapsis tamen multis diebus, tandem responsionem fecit, visis itaque dictis sententia et responsione in scriptis, nec minus litteris dominationis vestre, quibus declaratur nullum tempus in dicta causa cucurisse neque currere a die quo nobis superinde a scripsit usque quo dominatio vestra nostrum proinde habuerit iudicium, auditis quoque iis, que b nobis idem dominus Iacobus viva voce retulit, ac intelecto per utranque partem a dicta sententia appellationem fuisse interpositam, dicimus, salvo semper [ 150r] iuditio dominationis vestre, nostrum apparere esse quoniam res hec a Camera vestra originem traxit. Tresque fuere prolatores dicte sententie ac in ea continet nonnulla que preiuditium affere c possent Camere antedicte, et unus solus contra suprascriptos tres doctores pronuntiare fortasse dubitaret et quod dominatio vestra Magistris intratarum Camere sue ac advocatis eiusdem antedictarum appellationum comitat, qui primo cognoscant in dicta sententia in totum vel pro parte nulla sit vel non, et quatenus nullam reperiant hoc declarent. Si vero eam aliquam esse reperiant tunc cognoscant an appellationibus, de quibus supra, vel eorum alteri et cui fuerit defferendum vel ne, et casu quo reperint fuisse defferendum, tunc ius superinde partibus fatiant infra aliquem terminum, qui duobus mensibus minor non existat. Si vero repererint neutri appellationum ipsarum fuisse defferendum et sententiam fuisse validam, tunc partes remitant ad dominationem vestram provisuram superinde circa pertinentia ad dominationem eandem hoc in litteris, que pro comissione fient specialiter apponendo quod nichil in preiuditium Camere antedicte pronuntiare possint, cum nullus in principalli causa pro ea interfuerit aut fuerit avocatus. Prelibate dominationi nos humiliter committemus. Data Mediolani, die 3 februarii 1452.