30
Finis et refutatio nomine transactionis
1195 marzo 12, Milano.
Bonominus e Giovanni, fratelli e figli del fu Bonomo de Sirono, del borgo di Porta Cumana, cedono nomine transactionis ad Alberto e Guifredo, preti della chiesa di San Tommaso in Terra Mara, rappresentanti della stessa, la terra ed il sedime che essi conducevano, in Salvano, da parte della chiesa, oggetto di controversia tra loro e la medesima sotto l'arciprete Filippo, ricevendo ventisette soldi di terzioli.
Copia della fine del sec. XVIII, BAMi, Della Croce, Codex, I 11, c. 156r [B]. Regesto: ASMi, Catalogo, IV, fasc. 89 (da originale non reperito).
A nativitate Domini millesimo centesimo nonagesimo quinto, duode-cimo die marcii, indictione terciadecima.
Finem et refutationem nomine transactionis fecere Bonominus et Iohannes fratres filii quondam Bonomi de Sirono de burgo Porte Cumane in presbyteris Alberto et Guifredo ecclesie Sancte (a) Thome in Terra Mara ad partem et utilitatem praefate ecclesie, nominatim de tota illa terra et sedimine que erat in causa inter illos fratres ex una parte et ex alia prenominatos sacerdotes nomine predicte ecclesie sub domino Phylipo archipresbytero, et de qua terra et sedimine ipsi fratres libellum dederant sub eodem domino archipresbytero ipsis sacerdotibus ad partem prenominate ecclesie, iacentibus in loco et territorio de Salvano (1), quas terras et quod sedimen predicti fratres et pater eorum conducebant ab illa ecclesia, ita quod amodo non liceat illis Bonomino et Iohanni nec suis heredibus agere seu causari de prenominatis rebus contra dictos sacerdotes nec contra suos successores seu cui dederint, sed amodo in hac fine et transactione permaneant illi fratres cum suis heredibus taciti et contenti, et prenominati sacerdotes Albertus et Guifredus cum suis successoribus et cui dederint quieti et indempnes permaneant. Et pro hac fine receperunt finem illi fratres ab ipsis sacerdotibus ex parte predicte ecclesie de fictis et redditibus iste terre et sediminis et aliarum rerum quas ab eis petebant, insuper receperunt ab illis sacerdotibus ex parte illius ecclesie solidos viginti septem tertiolorum. Preterea illi fratres remiserunt ipsis sacerdotibus quodam sacramentum quod eis ordinatum erat pro illis rebus.
Actum Mediolani.
Interfuerunt testes Bruxatus de monasterio Orono et Iacobus de Quarto et Salmonum Cornagia. Hoc fuit coram illo domino archipresbytero.
Ego Petracius Sinistrarius notarius sacri palatii tradidi et scripsi.
(a) Così B.
(1) Località scomparsa presso Bollate Milanese (Cfr. HPM, XIII, CDL, col. 1944).
Edizione a cura di
Luisa Zagni
Codifica a cura di
Valeria Leoni