Codice diplomatico della Lombardia medievale
(secoli VIII - XII)

(SN) Anno ab incarnatione domini nostri Iesu Christi mill(esim)o cent(esimo) octuagesimo, sexto decimo die mensis octubris, indicione quarta decima. Constat nos Glosolanum et Petrum germa|nos, filios quondam Girardi Alifrethi seu de Montothano, qui professi sumus lege vivere Longobardorum, presentibus ibi et nobis consentientibus Petro (a) qui dicitur de Casale et | Iohanne V(er)ro et Iohanne Stanga qui et de Meletho dicitur, nostris dominis de rebus venditis que inferius l(eguntur), et quas res suprascripti domini tenebant ab episcopatu Laude, accepisse, sicut in presentia testium | manifesti sumus nos qui supra venditores quod accepimus insimul, ab episcopatu Laude, per te Arialdum Catanium, missum episcopatus et missum domini episcopi Alberici, libras quindecim imperial(ium), de quibus | denariis suprascripti domini habuerunt libras quinque quia consenserunt suprascriptis venditoribus et venditores libras decem imperial(ium) - qui fuerunt pagati creditoribus -, finito precio sicut inter nos convenit | nominative pro quatuor sediminibus que iacent in loco Castellione et pecia una prati et pecia una de novell(is) cum area earum et peciis duabus (b) de terra arratoria in territorio (c) de Caste|lione. Primum sedimen iacet subtus costam, pertica una vel plus, est ei a mane Maraboti Cononi, a meridie via (d), ab aliis partibus episcopi; secundum sedimen iacet ibidem, pertica una vel plus, a ser(o) suprascripti Maraboti, a meridie via, ab aliis partibus episcopi; tercium sedimen iacet intus spoldum, pertica una vel plus, est ei a meridie via, ab aliis partibus episcopi; quartum sedimen iacet | ibi ultra viam, pertica una vel plus, a monte via, a ser(o) spoldum, ab aliis partibus episcopi; pecia prati iacet iuxta primum sedimen, pertice octo vel plus, a meridie ipsum sedimen, | ab aliis partibus episcopi; pecia de novell(is) iacet ad Vignale, pertice quinque vel plus, est ei a mane Petri Pegoloti, a meridie episcopi, a ser(o)de Pocalodis, a monte Alberici Gimanni; prima | pecia terre aratorie iacet ubi dicitur ad Pirum, pertice VI vel plus minusve (e), est ei a mane ecclesie loci, a meridie et a ser(o) episcopi; alia pecia terre aratorie iacet in capite burgi, | pertice tres et tabule novem, est ei undique episcopi, vel sic ibique allie sunt coherentie. Quam autem suprascriptam vendicionem iuris (f) nostri superius dictam, una cum accessionibus et ingressionibus | seu cum superioribus et inferioribus suis qualiter superius l(egitur) inintegrum, ab hac die suprascripto episcopatui per te Arialdum vendimus, tradimus et mancipamus, nulli alii venditam, donatam, | alienatam (g), obnoxiatam vel traditam nisi suprascripto episcopatui, et faciat exinde a presenti die ipse dominus Albericus et eius successores et cui dederint de suprascripta (h) vendicione, iure proprietario | nomine, quicquid voluerit sine omni nostra et heredum nostrorum contradicione. Equidem spondemus atque promittimus nos qui supra venditores una cum nostris heredibus tibi cui supra Ari|aldo, nomine et vice suprascripti domini episcopi aut cui dederit, suprascriptam vendicionem qualiter superius l(egitur) inintegrum ab omni homine defensare, quod si defendere non potuerimus aut si vobis | exinde aliquid per quodvis ingenium subtrahere quesiverimus, tunc in duplum suprascriptam vendicionem (i) ei restituamus sicut pro tempore fuerit meliorata aut valuerit sub e|stimacione in consimili loco et nichil nobis ex suprascripto precio te dare debere dicimus; et tunc promiserunt et guadiam dederunt et in se receperunt suprascripti venditores suprascripto episcopatui, per | suprascriptum Arialdum, obligantes ei omnia sua bona pignori ita ut quisque teneatur in solidum, renunciantes legi iubenti plures debendi reos pro parte fore conveniendos (j), quod de|fendent et dispiliabunt suprascriptam vendicionem ab omni homine omni tempore, usu et ratione in penam dupli. Et suprascripti domini fecerunt finem de suprascriptis rebus in suprascriptum episcopatum per suprascriptum Arialdum. | Actum est hoc in Laude. Sign(a) ++ manus suprascriptorum venditorum, qui hanc car(tam) fieri rogaverunt ut supra. Sign(a) +++ manus suprascriptorum dominorum, qui suprascriptis venditoribus consenserunt ut supra.
Signa ++++++++ (k) manus Arderici de Merlino et Gambari et Ottonis de Cuzego et Conte Futigata et Petri de Bonfante et Arderici Guasco et Allamani et Rustigi et Arzoni, te|stium.
(SN) Ego Guidottus notarius ac do(m)ni Frederici imperatoris iudex ordinarius hanc car(tam) tradidi et scribere iussi et subscripsi.
(SN) Ego Albertus scriptor, iussu domini Guidotti iudicis et notarii, hanc car(tam) scripsi.

(a) -o corretta su precedente scrittura, pare su us
(b) d- corretta da de mediante depennamento del segno abbreviativo.
(c) -o corretta da a
(d) Segue depennato al e inizio di asta di un'altra lettera.
(e) Segue depennata s
(f) iu- corretto da iiu
(g) alienata in A.
(h) Segno abbreviativo superfluo sulla -a
(i) Segue depennata v
(j) -en- aggiunto nel sopralineo.
(k) Il numero dei segni non corrisponde a quello delle persone.

Edizione a cura di Ada Grossi
Codifica a cura di Ada Grossi