Codice diplomatico della Lombardia medievale
(secoli VIII - XII)

(SN) Anno ab incar(na)c(ione) d(omi)ni nostri Iesu Christi mill(eximo) centeximo octuageximo primo et die d(omi)nico qui | fuit se(cun)dus dies exeunte mense agusti et indic(tione) quarta decima. Constat me Origum, filium con|dam Frogerii Boldoere, de burgo civitatis Cremone, qui professus sum ex nac(ione) mea lege vivere Longobardorum, | accepisse, sicuti in presentia testium manifestus sum quod accepi a vobis Mafeo, preposito ecclesie Sancti Cataldi, | qui accepistis hanc cart(am) emptionis nomine et vice suprascripte ecclesie Sancti Cataldi, argenti denariorum bonorum inforc(iatorum) Cre|mone et denariorum novorum Mediolani libras quinquaginta et quinque et solidos octo et renontiavi exceptioni non nume|rate pecunie, id est precii. Et hoc precium fuit de iuditio quod fecerat Albertus de Vulpe ecclesie Sancti Cathaldi quod | solvit Albertonus de Brexanore, finito precio sicut convenimus, nominatim de duabus peciis te(rr)e et cum medi|etate pro indiviso trium domorum supra et unius torculi et unius puthei supra iuris mei, que iacent in loco | ubi dicitur Olçola, et est partim vidata et partim aratoria et partim busschiva et casata. Prima pecia est | per mensuram iustam p(er)t(icas) quinquaginta et cum teçiis et torculo et puteo supra, sive plus vel minus est; coheret ei a mane et a | meridie et sera via, a monte ecclesia Sancti Antonini. Secunda pecia iacet ibi prope et est aratoria et est per mensuram iustam | pert(icas) octo, sive plus vel minus est; coheret ei a mane Lafranchinus de Olçola, a meridie ecclesia Sancti Antonini, a sera | via, a monte Dalfinus de Gonsalengo, retdendo tamen decimam de tribus perticis ipsius t(er)re, si invenitur | esse in suprascriptis peciis t(er)re sive plus vel minus, sicuti continetur in quodam publico instrumento ibi viso, heredibus condam | Ottonis Ermiçonis. Quam supradictam terram iuris mei superius dictam pro suprascripto precio vobis suprascripto Mafeo, preposito suprascripte | ecclesie, qui accepistis hanc cart(am) nomine et vice suprascripte ecclesie, trado, conferro et per presentem cart(am) vendicionis mee confir|mo, ut faciat exinde a presenti die suprascripta ecclesia et cui pars et successores suprascripte ecclesie dederit una cum acces|sionibus et ingressionibus seu cum superioribus et inferioribus suis, qualiter superius legitur inintegrum, iure proprietario no|mine quicquid voluerint sine omni mea meorumque heredum contraditione. Et insuper ego suprascriptus Origus pro|mitto per me et per meos heredes tibi suprascripto Mafeo, preposito suprascripte ecclesie, hoc accipienti nomine et vice suprascripte ecclesie, | et cui pars suprascriptæ ecclesiæ dederit suprascriptam t(er)ram ab omni homine defendere. Quod si defendere non potuerimus | aut si eis exinde aliquid per quodvis ingenium subtrahere quesierimus vel si apparuerit ullum datum aut factum seu | quodlibet scriptum alibi factum et claruerit, tunc ego suprascriptus Origus promitto per me et per meos heredes tibi suprascripto Mafeo | preposito, hoc accipienti nomine et vice suprascripte ecclesie, et cui pars et successores suprascripte ecclesie dederit suprascriptam t(er)ram in | duplum cu(m)ponere sicut pro tempore fuerit meliorata aut magis valuerit sub extimacione in consimili loco. In|super, ibi statim, suprascriptus Origettus dedit, cessit atque mandavit et tradidit suprascripto Mafeo preposito, hoc accipien|ti nomine suprascripte ecclesie, omne ius omnesque acciones et rationes et defensiones quod et quas ipse habebat in suprascriptis pe|ciis terre et in suprascriptis teçiis et torculo et putheo sive in rem vel in personam pro suprascripta terra et pro suprasctiptis rebus, in agendo et | exigendo et placitando et defendendo et excipiendo. Et fecit ipsum procuratorem in rem suam. Et ius quod habebat in | decima suprascripte terre, si quod ius in ea habebat, renuntiavit. Insuper, ibi statim, suprascriptus Origus precepit supracripto Mafeo | preposito, ut intraret in tenutam, nomine et vice suprascripte ecclesie, de suprascriptis peciis de t(er)ra et de omnibus suprascriptis rationibus et | illam tenutam quam habebat confirmavit. Insuper, ibi statim, suprascripto Mafeo preposito int(er)rogante et stipulante, pro|misit ei suprascriptus Origus et guadiam ei dedit, si briga vel dampnum suprascripto preposito appareret vel supradicte ecclesie | vel cui pars suprascripte ecclesie dederit de decima suprascriptarum trium perticarum terre que non erat data a suprascripto die retro | ab aliqua persona et victi fuerint cum ratione, quod habet resarcire eis totum ipsum da(m)pnum infra quindecim dies postquam | da(m)pnum ipsum fuerint secuti et victi fuerint cum ratione et si suprascripta decima invenitur esse in suprascriptis duabus | peciis et si contra fecerit et ita non atenderit, promisit dare nomine pene supracripto Mafeo preposito vel suis successori|bus vel cui dederint duplum suprascripti da(m)pni et sine ullo placito. Et sub hac eade(m) (a) pena stipulatione subnixa | fideiussit pro eo in omnem causam et ad omnes terminos Petrebonus de Moçaniga apud suprascriptum Mafeum prepositum, | renontiando omni exceptioni fideiussorie seu intercessorie in hoc et nominatim iuri nove constitutionis per quod| ius fideiussor vel intercessor posset se tueri, dicendo quod debitor principalis prius sit conveniendus quam fideius|sor vel intercessor. Factum est hoc in porticu curie suprascripte ecclesie Sancti Cathaldi, feliciter. Signa ++ pro mani|bus suprascriptorum Orici et Petriboni qui hanc cart(am) scribere rogaverunt. Ibi interfuerunt Ognabenus de Becco de | Orsolario et Egidius de Iuvenishomo et Iohannes, filius Iacopi, de Laude et Ruçenus de Cingno et Rogerius de | Gontrammo et Iohannes Algixii, qui fuerunt rogati testes.
(SN) Ego Imbaldus notarius ab imperatore Frederico factus interfui et hanc vendicionis et promi|sionis rogatus scribere scripsi.

(a) -d- corretta da altra lettera, come pare.

Edizione a cura di Valeria Leoni
Codifica a cura di Valeria Leoni