Codice diplomatico della Lombardia medievale
(secoli VIII - XII)

Anno dominice incarnationis millesimo centesimo quinquagesimo nono, sexto die mensis augusti, indictione septima. Placuit atque convenit inter Arialdum qui dicitur Vicecomes et Mainfredum qui dicitur de Dugniano et Gregorium iudicem qui dicitur Cacainarca et Robertum qui dicitur Pingeluccus ac Guertium iudicem qui dicitur de Hostiolo, consules comunis Mediolani, nomine ipsius comunis, nec non et inter presbiterum Iohanem ecclesie Sancte Marie que dicitur in Valle constructe infra hanc civitatem Mediolani, ad partem et utilitatem ipsius ecclesie, ut in Dei nomine debeant dare sicut a presenti dederunt prefati consules eidem ecclesie ad habendum et tenendum libellario nomine usque in perpetuum, hoc est casam unam cum area eius et curte et orto insimul tenentibus, que fuit Iohanis de Gavirate, et reiacet infra hanc civitatem prope ipsam ecclesiam, super quam casam et curtem et ortum habet ipsa ecclesia omni anno denarios duodecim fictum et maior ecclesia Sancte Marie que dicitur Yemalis habet similiter singulis annis in particula iamdicti orti denarium unum: coheret ipsi case et curti et orto a mane Arnaldi Gandofori, a meridie via, a sero Perciotti Carmelengus, a monte prefate ecclesie. Ea ratione uti amodo in antea usque in perpetuum habere et tenere debeat suprascripta ecclesia iamdictam casam et curtem et ortum qualiter superius legitur in integrum, et tacere exinde tam superioribus quam inferioribus seu cum finibus et accessionibus suis libellario nomine quidquid ei utile fuerit. Et promiserunt suprascripti consules nomine iamdicti comunis sub pena dupli predictam casam et curtem et ortum sicut superius legitur in integrum defendere et guarentare ab omni homine cum usu et ratione supernominate ecclesie et cui dederit. Et pro supracripta casa et curte et orto acceperunt suprascripti consules nomine predicti comunis a suprascripto presbitero Iohane ex parte suprascripte ecclesie argenti denariorum bonorum Mediolanensium solidos triginta et quinque. Et ipsi consules ideo hanc venditionem fecerunt quia ipsa casa et curtis et ortus publicata erant, scilicet ad comune Mediolani spectabant eo quod predictus Iohanes de Gavirate inimicus Mediolani factus erat et cum inimicis Mediolani habitabat. Quia sic inter eos convenit. Actum in suprascripta civitate.
Signum manuum suprascriptorum consulum qui hanc cartam ut supra fieri rogaverunt.
Signum manuum Arialdi qui dicitur Cacarana et Arialdi qui dicitur Crivellus et Liprandi qui dicitur Carolus atque Anselmi qui dicitur Anrodexe, testium.
Ego Rogerius iudex ac missus domni secundi Chunradi regis interfui et rogatus scripsi.

Edizione a cura di Maria Franca Baroni
Codifica a cura di Irene Rapisarda