Codice diplomatico della Lombardia medievale
(secoli VIII - XII)

(ST) Anno dominice incarnacionis milleximo centeximo nonageximo nono, ultimo die aprilis, indicione secunda. Investivit per mercatum nomine vendicionis Guifredus de Osa civitatis Mediolani, pro se et Padoano et Lodorengo atque | Uberto fratribus suis de eadem civitate Mediolani, presbiterum Guilielmum offitiallem ecclesie Sancti Alexandri que est sita in Curtenova, in vice et ad parte iamdicte ecclesie, et iussit ei ut in tenutam et possessionem | intraret, nominative de omnibus illis rebus territoriis et sedimine uno, quod et quas ipsi fratres habent et possident seu habere et possidere vissi sunt vel eis aliquo modo vel iure pertinent in loco Overnago et | eius territorio seu in territorio locorum circonfinium, pro pretio et pagamento de libris centum triginta et tribus den(ariorum) bon(orum) nove monete Mediol(anensis), et que res debent esse libere et franche ab omni vincullo et servitute. | Quorum denariorum ipse presbiter Guilielmus solvere debet hinc ad dominicam proximam libras triginta et ad quindecim dies sequentes libras sexaginta, reliquos omnes ad festum sancti Petri proximi, cum omnibus usuris et expensis dampnisque | factis pro exigendis illis denariis vel ab alio mutuandis unoquoque termino preterito, et que res debent per mensuram iugera viginti et septem et pertice quatuor non cumputato sedimine intus; et si vero suprascripte res ascen|derint ultra predictum cognitum, ut supra legitur, in integrum ascendere debet ipse presbiter secundum quod ascenderit, videlicet bona pro bona, mala pro mala, pretium secundum cumputum pretii, et e converso. Quarum | ter[rarum] vero debent esse iugera decem et octo laboratorias (a), alias debent iugera novem et pertice quatuor inter buscos et silvas et prata. Quorum denariorum solutione facta, promisit ipse Guifredus |, [una] cum suis heredibus, obligando omnia sua bona pignori eidem presbitero Guilielmo ad partem predicte ecclesie Sancti Alexandri, ita quod faciet per se et faciet facere suprascriptos fratres eius cartam vendicionis ut supra legitur, con |[[.....]] personis que fuerint necesse in laude iudicis eius et quod dabunt (b) ei fideiussores qui obligabunt (c) se et omnia sua bona pignori omni tempore semper (d) et quisque in solidum de toto Ubertum et Alcherium de |[[.....]]quod defendet et guarentabit ei interim predictas res. Et pro hiis omnibus adimplendis estitit fideiussor suprascriptus (e) Ubertus (f) propter debitorem primum; ussufructa vero suprascriptarum rerum de[ben]t esse suprascripti presbiteri. Preterea promissit obligando omnia sua bona pignori predictus Guifredus se daturum suprascripto presbitero Guilielmo ad partem iamdicte ecclesie libras quinque tertiolorum si predicte res (g) escuterentur per sucessionem ab aliquo. Quia sic inter eos convenit. Actum in suprascripta canonica Sancti Alexandri.
Interfuerunt testes Ughitionus Grasellus et Iohannes Gairardi, Rainerius de ser Adobato et Musso (h) Ariprandus.
(ST) Ego Guilielmus de Baniera notarius domini Frederici imperatoris hanc cartam tradidi et scripsi.

(a) laboratorieas con e espunto.
(b) dabunt con segno abbreviativo.
(c) obligabunt con segno abbreviativo.
(d) semper nell'interlinea.
(e) istis con i finale espunto e segno abbreviativo.
(f) Precede Alcherius espunto e cancellato.
(g) res nell'interlinea.
(h) Musso con o corretto su us

Edizione a cura di Maria Franca Baroni
Codifica a cura di Irene Rapisarda